Salig, rustig, en ontspannend. Ons het baie lekker gebly. Die uitsig was asemrowend en die stilte was die rustigheid vanself. Dit is die tipe plekkie waar jy heengaan as die stadslewe te veel word en jy wil net jou siel laat opbou. Charlie was 'n baie vriendelike gasheer en vir die prys definitief die moeite werd. Ons het kameelperde, zebra, vlakvark, koedoe, blesbok en blouwildebees van ons stoep af gesien.

Rustig, asemrowende uitsig en kos vir die siel! As jy rus en vrede met net die natuur om jou soek, is dit die plek. Die uitsig is asemrowend mooi! Die donkie vir warmwater is maklik om te gebruik. Ek het die staproetes geniet en hulle is goed gemerk. Die huisie het alles wat jy nodig het. Daar is wild en baie voëls. Ek het my naweek terdee geniet en sal beslis weer gaan.

Word begroet deur koedoes en natuur. Fantastiese ervaring en heerlik stil. Swembad area bied welkome verligting in die warm somer son.

Dis 'n baie lekker plek, die Eyeview Africa, maar ons sal nie weer soontoe gaan nie. Die plek was vol stof en nie skoon gemaak nie. Die lakens en beddegoed is skimpy, die bed se matras is 'n stuk spons, baie ongemaklik geslaap. Vuil wasbak met vorige hare in.

Baie lekker. Baie rustig en kos vir die siel.

Rustig. Dit was nou een bevange rustige naweek met die beste uitsig ooit. Lekker gerus en die natuur geniet. Op ons inry op die plaas het ons 'n mooi koedoebul gesien, van die dek af, koedoes, waterbokke, rooibokke, kameelperde en vlakvarke gesien. As ons die verkyker onthou het sou ons dalk die res ook gesien het. Onthou 'n verkyker. Saterdagaand in een uur 8 verskietende sterre en oor die 40 satteliete gesien. Huis was baie netjies skoon gewees en die donkie vir warm water het goeie herrineringe teruggebring. Eienaars is baie gasvry gewees, dankie Charlie en vrou.