Voldoende. Die verblyf is goed geleë naby aan die besienswaardighede en het veilige parkering. Die plek was mooi skoon en Linda was baie vriendelik en behulpsaam om te reël dat die toilet sonder 'n sitplek vervang word en 'n braaier gereël word. Daar is nie 'n TV in Fairstreams 1 nie en toegang tot WiFi sal 'n goeie toevoeging wees aangesien daar byna geen selfoonopvangs was nie. Wat waarde vir geld betref was dit ons indruk dat vir die koste die linne, boonste matras en netheid (bv. verf wat afdop in badkamers en boonste stort wat lek) nie op standaard is nie.

Ons het heerlik gekuier, die eenheid was skoon en netjies, en het 'n kaggel wat die plek heerlik warm hou. Ons het saam met vriende daar gebly en 'n heerlike naweek gehad. Die eenheid is perfek geleë en veilig.

Heerlik. Die stort lek/drup deur vloer in onderste badkamer en die sekerheidshek het nie gewerk nie. Ons moes die hek oop en toe stoot. Daar was ook nie water nie, maar dit was oral probleem in dorp en nie 'n Fairstream probleem nie. Dit is die tweede keer wat ons daar tuisgaan en ek sal dit aanbeveel.

Goeie ligging, eenheid is groot genoeg vir 'n familiekuier. Die kaggel en elektriese komberse was 'n groot plus, want die huis is koud, kry baie min lig. By aankoms om die sleutel op te tel, is ek meegedeel dat daar nog 'n uitstaande bedrag was. Ek het 'n e-pos van die eienaar ontvang waarna sy versoek het om die balans in haar rekening in te betaal, wat ek gedoen het. Die beddegoed is oud en die kussingslope is vol gate. Die badkamer mat was vuil. Die stort lek water wat deurloop tot in die onderste badkamer. Instandhouding word nie gedoen nie, die mure dop af van water wat deur die dak lek.

Goeie ligging. Atmosfeer. Baie sentrale ligging, maar stil straat. Nie groot tuin vir kinders nie. Goeie waarde vir geld.

Dit is gemaklik en goed geleë. Ons het gemaklik gebly en die ligging is naby aan die dam en die restaurante in die dorp. Die houtvloer op die boonste vloer was nogal lawaaierig vir mense wat onder slaap. Die eenheid is baie goed ingerig en in 'n baie mooi ligging.

Baie rustige plek op rand van die dorp. Baie lekker gebly. Plek is netjies en skoon en die warm komberse op die beddens is welkom.

Heerlik gesellig. Gemaklike en gesellige plekkie waar mens heerlik kan kuier. Netjies en skoon met al die nodige goedjies vir 'n lekker naweek. Kaggel en warm komberse beslis 'n wenner!