Your Home away from Home

Selfsorg

Gratis kansellasie tot 1 week voor jou verblyf!
Kapasiteit: 4 persone
Alle ouderdomme is welkom
Inkloktyd: 16:00 tot 23:00
Uitkloktyd: 10:00
Adres: 22 Willow-singel, Blouberg Rise, 7441, Wes-Kaap
Vanaf R3 000 per nag (plek vir 4)

Beskrywing

Your Home away from Home bied gerieflike selfsorgverblyf vir die hele gesin. Dis binne maklike bereik van slegs 2 km vanaf Blouberg Strandfront. Bloubergstrand is skilderagtig en is welbekend vir vlieërbranderry.

Die huis het 2 slaapkamers en 2 badkamers en is geskik vir 2 volwassenes en 2 kinders. Die hoofslaapkamer het 'n dubbelbed en 'n en suite-badkamer met 'n stort, toilet en 'n wasbak. Die tweede slaapkamer het 'n stapelbed. Die hoofbadkamer het 'n bad, toilet en 'n wasbak. Alle handdoeke word voorsien. Daar is 'n TV in elke kamer met stromingsdienste, gratis WiFi en 'n skootrekenaarvriendelike werkspasie.

Die kombuis is goed toegerus met 'n yskas-vrieskas, mikrogolf, oond, gasstoof, wasmasjien, skottelgoedwasser, broodrooster, en tee- en koffiemaakgeriewe asook hope ekstra toebehore. Die leefarea het 'n TV en sitplek met baie houtbordspeletjies vir die hele gesin om te geniet.

Van die kombuisarea af is 'n onderdak buite-onthaalarea met gemaklike sitplek, 'n gasbraai, 'n houtvuur-jacuzzi en groot buitelugspeletjies vir 'n bietjie gesinspret.

Gaste het toegang tot 'n volledig toegeboude eiendom met ruimte vir kinders en troeteldiere om veilig te speel. Gratis onderdak parkeerplek van die straat af is beskikbaar, maar ongelukkig nie geskik vir sportnutsvoertuie langer as 1,9 m nie, maar gaste kan veilig parkeer op die straat wat deur kringtelevisiekameras gemonitor word. Die eiendom het sonpanele en word nie deur beurtkrag geraak nie.

Kry ’n Kwotasie