Feathers Guest House

Gastehuis

Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Leipoldt-straat 51, Gholfsig, Middelburg, 1050, Mpumalanga
Vanaf R1 300 per nag, vir 2 mense
TGCSA-gradering:

Beskrywing

Feathers is 'n unieke gastehuis in die lui dorpie Middelburg, Mpumalanga. Dit is langs die Middelburg Country Club and Golf Estate geleë. Hier word gaste bederf met puik akkommodasie en diens.

Ons het 'n hele aantal slaapkamers en 'n en suite-tuinkothuis elkeen met sy eie ingang. Van die kamers het kombuisies en ander het 'n mikrogolf, yskassie en tee- en koffiemaakgeriewe. Gaste kan kies tussen koninggrootte-beddens, dubbelbeddens en selfs 'n gesinskamer. Die tuinkothuis het 'n grasdak en is privaat en afgesonder en kyk uit oor die swembad en die luisterryke tuin. Die kothuis het ook 'n kombuisie met 'n yskas, mikrogolf en koffiemaakgeriewe. Die en suite-badkamer is toegerus met 'n bad.

Dit is 'n lieflike opstal in 'n vreedsame plattelandse omgewing waar gaste voorsien word van uitmuntende gasvryheid, luuksheid, gerief en fynproewerskos. Die atmosfeer is minsaam en luuks, besoekers kan ontspan in die verhitte swembad gedurende die somer terwyl hul luister na die getjilp van al die voëltjies wat ons pragtige, eksotiese tuin besoek.

Gaste word nie net bederf met 'n hartlike verwelkoming nie, daar is 'n groot verskeidenheid verblyf-opsies: van selfsorg tot fynproewersontbyte en -aandetes. Middagete-pakkies is ook beskikbaar op versoek.

Kry ’n Kwotasie