Beskrywing

Fisherman's Watch is teen die berghang van Vishoek geleë en het 'n uitsig oor die see, manjifieke Valsbaai en die Blouvlag Vishoekstrand. Dit is in die pragtige Suid-skiereiland met uitsigte oor die see en op die berge, alles is net 'n entjie se ry vanaf Kaapstad.

Die verblyf met 'n uitsig is teen die berg geleë. Let asb. dat daar trappe op die perseel is wat na die woonstel lei. Daar is 'n stel van 34 trappe en 11 in 'n ander. Dit kan uitdagend wees vir gaste met beperkte beweeglikehid. Die verblyf is nie rolstoelvriendelik nie.

Hier is gaste ten volle teen beurtkrag beskerm, aangesien daar 'n omskakelaar en 'n batterykragstel is wat verseker dat die ligte, TV, WiFi, yskas, mikrogolf en alle ander toebehore steeds sal werk tydens kragonderbrekings.

Dit is 'n moderne selfsorgtuinwoonstel met 'n aparte ingang. Die slaapkamer het 'n dubbelbed, die sitarea het 'n enkelslaapbank, die en suite-badkamer het 'n stort, en die kombuis is goed toegerus en sluit 'n wasmasjien, stoof, oond, mikrogolfoond en 'n yskas in. WiFi en 'n volledige DStv-kanale en Showmax is beskikbaar.

Daar is 'n klein beskutte kuierarea met 'n braai, uitsig oor die see en die hoofsaaklike inheemse tuin. Die stilte word slegs deur die branders verbreek. Die strand is net 10 minute se stap ver of 5 minute se ry ver.

Die eienaars woon op die perseel en alhoewel gaste privaatheid het, gesels hulle graag met internasionale en plaaslike gaste en hulle kan unieke ervaringe aanbeveel. Een van die eienaars is 'n gekwalifiseerde wyngids met uitstekende kennis van die plaaslike wynroetes. Hy is bereid om, teen 'n klein fooi, gaste op enige reis na die wynstreke te vergesel om seker te maak dat hulle ervaring onvergeetlik is. Die ander eienaar is ook hoogs gekwalifiseerd in haar vakgebied van toerisme en geografie, en spog met uitstekend plaaslike kennis.

Doendinge in die omgewing sluit visvang, fietsry, voëlkyk, swem, bergfietsry en swem in.