Flutterby Guesthouse

Gastehuis

Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Rocherstraat 13, Baillie Park, Potchefstroom, 2531, Noordwes
Vanaf R700 per nag, vir 2 mense

Beskrywing

Flutterby Gastehuis is in Baillie Park, Potchefstroom, geleë en bied gaste 'n keuse van gerieflik gemeubileerde eenhede wat tussen 2 en 4 mense kan akkommodeer.

Flutterby Gastehuis het genoeg sonpanele en daar is geen beurtkrag nie.

Gaste kan die dubbelkamer-eenheid met slaapplek vir 2 of die gesinseenheid met slaapplek vir 4 bespreek. Die Dubbelkamer-eenheid is ingerig met 'n dubbelbed, en die gesinseenheid met slaapplek vir 4 is ingerig met 'n dubbelbed, asook 2 enkelbeddens in die tweede slaapkamer. Elke eenheid het 'n en suite-badkamer met 'n stort en 'n toilet.

Die gesinseenheid het 'n kombuis wat toegerus is met 'n klein stoof, mikrogolf, 'n groot yskas, asook tee- en koffiemaakgeriewe. 'n TV met Openview-kanale in elke kamer, WiFi, asook 'n klein eethoekie wat ook as 'n lessenaar gebruik kan word.

Die dubbeleenheid het 'n mikrogolfoond, yskassie, tee- en koffiemaakgeriewe en eetgerei. Daar is 'n TV met volledige DStv-kanale, WiFi en 'n eethoekie wat as 'n lessenaar gebruik kan word.

Elkeen van die eenhede maak oop op 'n patio met 'n sitarea, en gaste kan in die gemeenskaplike swembad afkoel. Parkeerplek is beskikbaar.

Gaste kan verskeie besienswaardighede in Potchefstroom besoek, soos die Goetz Fleischack-, die Potchefstroom-, die President Pretorius- en Totiushuismuseum, verskeie nasionale monumente, die OPM Prozesky-voëlreservaat met meer as 200 verskillende voëlspesies, en Buffelsvlei-wildedierepark.

Kry ’n Kwotasie