Freedom O' Clock Backpackers Retreat

Rugsakreisigerslosies

Kapasiteit: 21 persone
Alle ouderdomme is welkom
Inkloktyd: 14:00 tot 22:00
Uitkloktyd: 10:00
Adres: Mdumbi Riviermond, Mngcibe, 5140, Oos-Kaap
Vanaf R500 per nag, vir 2 mense

Beskrywing

Freedom O' Clock Backpackers Retreat is in 'n klein Pondo-dorpie naby die Mdumbi-riviermonding aan die Hluleka-kant van die rivier in Mngcibe geleë. Dié ongekunstelde akkommodasie aan die Wildekus bied 'n unieke wegbreekgeleentheid. Die uitsigte oor en toegang tot die strand maak dit die ideale bestemming vir natuurliefhebbers en buitelug-entoesiaste wat nie omgee om luukse geriewe prys te gee nie.

Ons bied akkommodasie rustieke, maar skoon en gerieflike kamers. Daar is 'n gemeenskaplike kombuis met oorgenoeg yskasspasie en basiese kombuisware. Seekos mag ongelukkig nie in die vrieskaste gestoor word nie. Al die skuifdeure lei na die dek met die mooiste uitsigte oor die see, strand en rivier. Die kamers het kragpunte vir gaste se gerief. En die gemeenskaplike ablusiegeriewe het spoeltoilette en 'n "rocket shower" met warm water.

Doendinge by die oord sluit verkenning van die kristalhelder rotspoele in en daar is 'n hele paar sloepies wat veilig is vir visvang en snorkel. Die rivier het ongerepte wortelboommoerasse en mondings en bied geleenthede vir riviervisvang. Dit is ook 'n paar kilometer lank bevaarbaar. Branderplankryers kan van Tshani Point tot by Lwandile Point branderplankry. Albei is tops. Ons bied ook branderplankrylesse wat branderplanke insluit.

'n Verskeidenheid ander doendinge en besienswaardighede is beskikbaar in die omgewing en sluit die volgende in: staproetes na die Mapuzi-grotte, Koffiebaai, Secret Beach, Hluleka Natuurreservaat, kajakvaart, voëlkyk, inheemse bome bekyk en branderplankritte na Lwandile en Koffiebaai.

Getrou aan sy naam bied Freedom O' Clock jou die vryheid om te doen wat jy wil wanneer jy wil, selfs as jy niks wil doen nie. Jy kan heeldag op die strand lê, lees soveel soos jou hart begeer, net rondsit of net slaap.

Ons maak staat op sonkrag vir ligte en selfone laai, elektrisiteit vir die yskaste (daar is 'n gasyskas vir noodgevalle) en gas vir kook. Die storte is "rocket showers".

Kry ’n Kwotasie