Gabrielshoek Country Escape

Perfekte wegbreek!

Hier kan enige mens weer homself vind.

Pragtige natuur.

Vir 'n wegbreek in die natuur en vir vlieghengel kan ek Gabrielshoek Country Escape sterk aanbeveel en vir Andre se gasvryheid. Sal weer besoek.

Gasvrye plaas eienaar, netjiese verblyf en goeie visvang.

Baie lekker gebly, alles was netjies en beskikbaar. Plaas eienaar was gasvry en behulpsaam. Visvang was ook 'n plesier.

Rustige wegbreek naweek - let egter op na die 4x4 vereiste.

N heerlike, rustige wegbreek naweek. Netjiese, skoon kothuis, goed toegerus met alles wat mens mag nodig hê. Genoegsame kaggelhout is verskaf om die winterkoue te verdryf. Gasvrye en hulpvaardige diens van Andette en Andre. Let egter op dat die kortste pad 3km grondpad insluit wat definitief net vir n 4x4 motor geskik is. Ons het egter die pad n paar keer gery om in te gaan Dullstroom toe en heeltemal doenbaar as mens dit stadig vat!

Ongelooflike ervaring.

Dit was 'n heerlike naweek op die plaas! Verblyf is skoon en netjies. Heerlike kaggel binne. Als wat mens nodig het, is daar. Eienaars is baie vriendelik, behulpsaam, akkomoderend en gesellig, help selfs seker maak jy vang daai trout! Het bruin en rainbow trout gevang. Dit was ons tweede keer daar en gaan vir seker weer. Die honde het dit ook baie geniet en dit was so lekker om hulle saam te vat. Ons sal dit vir enige iemand voorstel wat die buitelewe, rustigheid, mooi landskap en lekker trout vang wil.

Goed toegerus en skoon.

Baie lekker en rustig. Lekker vis gevang.

Netjiese plek met baie mooi uitsig. Baie rustig.

Sien sterre.

Rustig, koel, lekker!

Net ek en my twee seuns was so lekker! Ma kon rus en die seuns was so gelukkig en vermaak deur die vriendelike, geduldige oom wat vir my 'n geskenk van rus gegee het. Ek weet nie wie dit meer geniet het nie - ek, die seuns, of ons drie klein hondjies nie. Ons het die vryheid van plaaslewe ontdek. Al wat ek wil laat weet, is maak seker dat jy die regte pad ry. Hoewel ek 'n 4x4 het, was die grondpad rof en mens moet weet wat jy doen. Dit is 'n pad en 'n half, maar ons het darem 'n groot avontuur gehad en stories om te vertel. Ek sal sterk aanbeveel om eerder die ompad te vat, die pad is BAIE moeiliker en dis nie veel verder nie. Maar alles saam was vreeslik lekker!

Rustig, rus vir die siel.

Ons het dit baie geniet. Sal weer daar gaan kuier.

A wonderful, restful location.

Make sure you have a high clearance vehicle.

Heerlik gerus.

Afgeleë en stil, met mooi uitsig.

Uitstekende wegbreek met stilte en uitsigte om van te droom!

Ons het 'n ongelooflike lekker naweek gehad en heerlik gerus. Die fasiliteite is perfek en goed toegerus. Die stilte was so lekker, niemand gesien in die 3 dae nie behalwe die uitstekende gasheer, Andre en Andette. Die kuier was te kort, sal definitief weer gaan. Die weer was reënerig, sal voorstel gaste neem paar bordspeletjies saam.

Lekker wegbreek.

Die provinsiale pad is die laaste slegte ding wat jy sal ervaar by Gabrielshoek. Die binnehuis braai-area is heerlik ongeag die weer en 'n groot plus. Die eenheid was skoon en netjies. Die ontvangs hartlik.

Amazing country breakaway!

The lovely and well-appointed chalet has the most beautiful views, surrounded by rolling hills and dams. The huge indoor fireplace is a big bonus for cooking, braaiing or just chilling in front of a warm fire on cold nights. Our hosts, Andre and Andette were just amazing, and Oom André was kind enough to offer advice and lend a helping hand with our fly fishing escapades! Highly recommended for a safe and quiet holiday or weekend break away in a tranquil setting.

Rustige, mooi omgewing.

Baie lekker vuurherd om die koue te verdryf.

Asemrowend.

Alles was netjies en alles en meer daar om jou kuier heerlik te maak. Andre en sy dogter baie vriendelik, Andre geniet om kennis te deel oor die plaas en sy hond Boela die liefde vanself, hy vergesel jou op stappies en hou jou veilig en laggend met al sy manewales, hy het goed oor die weg gekom met ons twee scotties. Die omgewing is pragtig en die stilte nodig vir 'n moë siel. Hier kan jy beslis reset. Ek beveel beslis 'n 4x4 voertuig aan ek het dit met my Kia Soul gedoen maar was maar bietjie senuweeagtig. Maar vir daardie uitsig doen ek dit weer.

Spesiale plek vir spesiale tye!

Gabrielshoek is pragtig geleë, ons het die natuurskoon en rustigheid so baie geniet. Dit het kompleet gevoel of ons op ons eie stukkie plaas tussen die berge bly. Die kothuis was silwerskoon en is baie goed ingerig en daar is selfs 'n heining voor die kothuis waar die honde mooi toegmaak kan word, as nodig. Boela is 'n sagte reus en ons twee honde het dit so geniet om saam hom in die veld rond te hardloop. Ons sal beslis weer 'n draai maak.

Dit was amazing!

Die kothuis is perfek uitgelê en die bly daar was net uit die boeke uit lekker. Andette is vreeslik vriendelik en help graag as mens vasbrand met iets. Die plaashonde is tog te oulik. Het ons meeste aande kom oppas en seker gemaak ons bly binne.

Stilte, ons het behoorlik herlaai!

Ons het seker die stilte die meesste geniet, en daarom so heerlik geslaap. Die mooiste uitsig in die vallei af, en jou oë kort-kort kan fokus op die mooi berge en rante rondom was hemels. Bobbejane met sononder hoor boggom, jakkalse ook gehoor. Die kothuis se vuurherd is 'n wenner. Ons gaan beslis Gabrielhoek weer besoek.

Heerlik "afgewen", gerus en die natuur geniet.

Die pad daarheen was net die uitdaging wat my man en my broer nodig gehad het om die pret met hulle viertrekvoertuie te geniet.

Rustige, ongerepte natuurskoon.

Heerlik gekuier en rustig geslaap. Geluister na jakkalse se gehuil saans. Tot op die koppie gaan stap en die natuurskoon bewonder. Sal beslis weer kom kuier.

Vir 'n troue naby Lydenburg.

Ons het Gabrielshoek gekies vir ons verblyf vir 'n troue. Ons was bietjie gespanne oor die moeilike en slegte paaie, maar die eienaars het ons gerus gestel en in die middel van die nag uitgehelp toe ons in die modder vassit. Die plek is verskriklik mooi en het ons familie bietjie kans gegee om net te ontspan en asem te haal. Sal vir seker weer gaan kuier!

'n Heerlike paar dae.

Die huis is gerieflik en skoon. Ons het ons twee hondjies saamgeneem en hulle het dit baie geniet. Dit was in die middel van Desember maar lekker koud en reënerig. Die kaggelvuur het heeltyd gebrand en ons het sommer in die kaggel gebraai en potjie gemaak.

Baie rustig en stil. Natuurskoon baie mooi. Afgesonderdheid was voedsel vir die siel.

Was heerlike wegkom van stadslawaai. Natuur is ongerep. Die kaggel in die kothuis (cottage) was 'n wenner! Heerlike wandelpaaie op die plaas. Baie gasvry ontvang en het die naweek vreeslik geniet. Sal 'n 4x4-voertuig aanbeveel.

Die natuurskoon is awesome.

Ons het die stilte en natuurskoon baie geniet. Ons het ook lekker gesels met die eienaar. Die vivang was goed, maar bietjie duur per kg. Die pad na die plaas is baie sleg en kort aandag.

Wonderlike, rustige plekkie in die ongerepte natuur.

As plantkundige, was die ongelooflike groot hoeveelheid plante in die direkte omgewing van die huisie, 'n lushof.

Rustig, privaat, natuurskoon.

Ons het 'n lekker rustige naweek gehad. Lekker gestap en die natuurskoon geniet. My honde het hulle gate uit geniet. Sal definitief aanbeveel vir enige een wat wil gaan ontspan en weg kom van die gehaas van die allerdaagse lewe. Baie dankie aan Andre en Andette vir julle gasvryheid, ons sien julle gou weer.

Hemels, een van my beste vakansies.

Oom Andre en sy dogter is pragtige mense en so liefdevol. Hulle laat 'n mens so tuis voel. Ons sal vir seker weer gaan kuier.

Baie rustig, lekker visvang en aandkaggel.

Sal weer gaan, baie lekker saam jou diere, baie privaat en lekker visvang, ook die kaggel is 'n plus.

Lovely, quiet place to relax.

We really enjoyed our stay. It's tranquil and quiet and very relaxing. The cottage is so well-equipped.

Uitsonderlike rus!

Wat ‘n verrassing! Ons is verkwik na siel, gees en liggaam. André is ‘n wonderlike gasheer, het ons veilig beduie tot daar, vir oormaat hout gesorg om die koue te trotseer, heerlike elektriese lakens en verwarmer in badkamer. Baie dankie - ons kom weer!

Ongelooflik.

Waarde vir geld waar mens jou skoene uitskop en jou sielsrus kry.

Naweek-wegbreek met honde.

Ons het heerlik gebly by Gabrielshoek. Ons 2 honde het hulself gate uit geniet en my man het heerlik visgevang. Pragtige plaas om te gaan stap en die uitsig is asemrowend. Die huisie was baie goed toegerus en ons was beïndruk met hoe skoon en netjies dit was. Regtig 'n plesier. Die kaggel is een van die lekkerste dele van die huis en het dit heerlik snoesig gemaak op 'n koue reënerige naweek. Die stukkie grondpad na die plaas toe is regtig net vir hoë voertuie, maar ons was gewaarsku daarteen. Daar is ook 'n alternatiewe langer, maar veiliger roete aangebied.

Baie, baie lekker.

Vir 'n naweek wegbreek is dit 10/10.

Dit was ongelooflik mooi en baie rustig veral as jy net wil ontspan en die diere lewe wil geniet.

Ons het dit baie geniet lekker gaan stap en die binnehuise kaggel geniet en die rustigheid.

Vir rus en vrede!

Wonderlike plek om net te rus!