Beskrywing

Giants Cup Wilderness Reserve Lakeside Lodge is 'n puik kunsvlieghengel-bestemming in Suid-Afrika en 'n geregistreerde bewarea. Die reservaat is 'n tuiste vir 'n rits wild- en watervoëlsoorte en dis een van die mees skilderagtige plekke om kunsvlieghengel te beoefen. Daar is oorvloedige wilde bruinforel en reënboogforel in die Umzimkulwanarivier en 'n meer. Giants Cup Wilderness Reserve stel die standaard vir outentieke visvang in 'n beeldskone berglandskap.

Hierdie eenheid bied slaapplek aan 4 gaste in 'n dennebos, net 'n entjie van die meer af. Dit beskik oor 2 slaapkamers met en suite-badkamers elk. Die hoofslaapkamer het 'n koningingrootte-bed en 'n en suite-badkamer met 'n Jacuzzi-bad. Die tweede slaapkamer het 2 dubbelbeddens en 'n en suite-badkamer met 'n stort. Die eenheid het 'n oopplan-sitarea en -kombuisie.

Die oopplan-leefarea het gemaklike sitplek, 'n kaggel, 'n etenstafel en 'n kombuisie met 'n yskas-vrieskas, stoof, oond, mikrogolfoond en koffie- en teemaakgeriewe. Gaste kan buite op 'n stoep ontspan terwyl hulle die omgewing bewonder. Daar is ook braaigeriewe.

Die eiendom is binne 'n inham in die wildheining van die Maloti/Drakensbergpark Wêrelderfenisgebied geleë wat amper 'n halfmiljoen hektaar beslaan wat vanaf Boesmansnek in die suidwestelike gedeelte in 'n ononderbroke lyn al langs die krans af tot verby Bergville in die noorde strek. Hierdie Wêrelderfenisgebied is die grootste bewarea in KwaZulu-Natal en ook die tuiste van verskeie wildsoorte, insluitende soogdiere, voëls, reptiele en amfibiërs wat uiters bedreig or skaars is. Aktiwiteite in die omgewing sluit perdry, kunsvlieghengel en bergfietsry in.