Sal beslis weer gaan. Ons het 'n wonderlike naweek gehad. Ons was gemaklik en het gevoel asof ons by ons eie huis was. 10/10. Die eienaar, is 'n vriendelike en baie aangename persoon. Baie bedagsaam en besorgd. Sal beslis weer daarheen gaan. Dankie, jy is die beste. Bly ek het iemand soos jou ontmoet. Jy is die beste.

Teleurstellend. Top Tree Cottage - Teleurstellend. Parkering onprakties - moeilik om in te ry en min spasie. Buitehek van erf word ook deur enigiemand net oop- en toegeskuif met die hand. Inwonende gesin wat enige tyd van dag en nag kom en gaan, en ook kliphard praat wanneer hulle 01h00 en 04h30 terugkom by die huis, en voor cottages kuier. Enigste kookware is 2 kastrolle, waarvan 1 se deksel vir 'n klein kastrolletjie is en nie pas nie. Geen pan of iets verder nie. Net 3 bekers vir 5 gaste. Net kouewater by kombuiswasbak, en ook nie 'n prop nie. Daar is 'n plastiekkom in die wasbak. As jy die ketel wil volmaak, moet jy ook eers die kommetjie uit die wasbak haal. Dan ketel kook vir warm water of by badkamer tap. Gasvrou weet nie hoe werk die gasstoof nie - dit was beurtkrag toe ons arriveer. Sponsie vir skottelgoed bruin en vuil. Die buitelig by trappe waar ons moet op en af is blykbaar 'n geruime tyd al buite werking. Die 3 enkelbeddens raas sodra iemand beweeg. Vlek op die 1 bed se laken. Die hek by die deur het 'n skuiwer, maar nie 'n slot nie. Het geen voëls gesien of gehoor soos op advertensie genoem word nie. Verkeer is hectic. Die hoofslaapkamer, badkamer en sitkamer, en eetkamergedeeltetjie is mooi. Algemene gevoel gehad van onveiligheid weens vreemde inwoners, wat ook 2 nagte min slaap veroorsaak het, waarna ons Two Oceans moes gaan hardloop.

Goeie gasvrou, maar die res is baie teleurstellend. Die "bird cage" wat ons in gebly het is letterlik so groot soos 'n voëlhok. Nie al die ligte het gewerk in die vertrekke nie, het 'n TV remote, maar geen TV nie? Geen yskas of genoeg parkering nie, my bakkie het met sentimeters ingepas. Die deure het net "padlock" slotte op, met 'n flimsy skuiwer. Die skuifhek was nooit gesluit deur die naweek nie. Geen bord buite in die pad om cottages aan te dui nie. Daar was 'n hele gesin wat langtermyn oorbly, en die het geraas (harde musiek, praat hard, en mense kom en gaan regdeur die nag). Die verkeer by die huis dink dit is 'n resiesbaan, en daar is amper nooit stilte nie, behalwe as daar beurtkrag is. Die resensies is ook verwarrend, want ek is super teleurgesteld met die swak gehalte.

Baie hulpvaardige gasvrou. Vriendelike diens. Het as enkelreiseger 'n bed gesoek en 'n badkamer. Als skoon en netjies. Omgee gasvrou.

Gasvry, huislik en sentraal. Dit was heerlik om daar oor te bly, volpunte vir gasvryheid. Ek reis gereeld en dis lekker om êrens te bly wat soos huis voel.