Beskrywing

Gold Reef Hideout bied gerieflike verblyf in 'n oopplan-kothuis op 'n residensiële perseel waar die eienaars woon. Die gastekothuis is apart van die hoofhuis. Dié perseel is in die voorstad, Robertsham, in Johannesburg geleë.

Die oopplan-kothuis het 2 enkelbeddens wat teen mekaar gestoot is, 'n badkamer met 'n bad, 'n toilet, 'n kombuisie en 'n tafel en stoele. Die kombuisie is met 'n yskas, oondjie, stoof en mikrogolfoond toegerus. 'n Derde gas kan op 'n enkelmatras slaap.

Gaste het toegang tot optiesevesel-internet en is welkom om die swembad op die perseel te gebruik.

Daar is verskeie winkels binne 'n radius van 4 km. Die kothuis is net 2,7 km vanaf Gold Reef City Theme Park, en bied toegang tot verskillende winkelsentrums, soos The Glen Shopping Centre, Southgate Mall, Southdale Mall en Columbine Square, alles binne 5 km vanaf die eiendom.