Green Lantern Inn Hotel and Gardens

Hotel

Kapasiteit: 93 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Wragg-straat 7, Van Reenen, 3372, KwaZulu-Natal
Vanaf R950 per nag, vir 2 mense

Beskrywing

Green Lantern Inn Hotel and Gardens is 'n unieke, geskiedkundige hotel in die bekoorlike dorpie Van Reenen in KwaZulu-Natal, wat dit die perfekte oornagplek maak vir gaste wat 'n rustige wegbreek soek. Dit word omring deur pragtige tuine. Gaste kan gaste hul vakansie begin met 'n tuisgemaakte ete en 'n warm bed, 'n paar dae spandeer om die skilderagtige oostelike Drakensberge te verken, of hul reis breek met 'n ontbyt of middagete in die 100-jarige restaurant en kroeg.

Die hotel bied verblyf in gerieflike kamers vir paartjies of gesinne. Die Couple, Twin en Family Rooms en eenhede is in die hotel of die lieflike tuine en het lugversorging en gemaklike beddens. Linne en badhanddoeke, gratis toiletware, daaglikse skoonmaak en tee- en koffiemaakgeriewe word voorsien. 'n Ekstra bed of matras en 'n kinderbedjie of -stoel is met vooraf reëlings beskikbaar. Die troeteldiervriendelike, semi-selfsorg-chalets het 'n privaat omheinde tuin vir klein tot kniehoogte honde, met 'n stoep en braai-area.

Parkeerplek word onder 'n motorafdak agter 'n elektriese hek voorsien. Gaste kan alle hotelgeriewe geniet, soos WiFi en 'n speletjieskamer met snoeker, swembad, tafelvoetbal, veerpyltjiebord en tafeltennis. Die tuin het 'n speelgrond vir kinders, 'n diereplaas en 'n swembad.

Kry ’n Kwotasie