Sien sterre Eerstens, groot teleurstelling. Uitgesien na jaarlange, vooruitbeplande familie-naweek. Julle het 'n dubbel booking gemaak na ons 2 eenhede in golf estate bespreek het. Hidden Grace is vir ons aangebied teen dieselfde tarief, sien ons nou eers. Koud en onpersoonlik. Kombuis beskik nie oor basiese toerusting. Nie panne nie, nie lappe vir opwas, 1 vadoek. Geen vatlappe. Slegs warm water in agterste deel van huis. Stoeptafel met stomp reggemaak. Stort met warm water. Nie seepbakkie. Nie plek daar vir toiletpapier. Lig in eetkamer kan nie afgesit word nie. Gaste wat slaap in oop kamer moet slaap met 'n aan lig. Water wat van tenk af kom se kragprop in 1 van die kamers waar enigste muurprop is, is ongemerk. Sodra daardie prop gebruik word vir haardroër of selfone is daar geen water. Geen kopstuk daar en geen bedkassies. Moes stoele gebruik. Toegangshek stukkend. Moet met hand gestoot word en hak aan lemmetjiesdraad. Moeilik om in en uit perseel te beweeg. Geen sleutel in agterdeur. Mense het laatmiddag net in woning ingestap sonder klop of toestemming. Ons het aangedring om sleutel te neem. Voordeur kan nie sluit nie. Net van binne af. Geen privaatheid nie. Mense wat visvang hou al jou bewegings dop. Nee, wat 'n teleurstelling.

Baie verwaarloos. Dit wat adverteer is is nie wat ons beleef het nie. Die plek is baie verwaarloos. Alhoewel skoon, lyk dit sleg. Die krag het getrip. Die stoof het nie gewerk nie. Blessing - die dame wat daar bly het haar bes probeer om te help, maar sy kan nie veel doen nie. Die dame wat toesig hou, wie ons gebel het, was baie onbehulpsaam.

Goed geleë en lekker spasie. Plekkie is mooi maar kort aandag. Die plek is baie mooi en op 'n lekker plek geleë met mooi uitsigte. Genoeg spasie en ruim. Kamers en beddens was mooi skoon en netjies oorgetrek, maar die kombuis het paar plekke gehad wat vuil was met goggas en spinnerakke. Die geriewe soos utensils en klein bordjies ens was min, die deur kosyn val af, die blinds is nie in goeie kondisie nie. Venster vas soldeer wat snaaks is.

Onnet, slordig, vuil, ongeskikte eienaars, onbehulpsaam. Die advertensies en foto's wat op die webtuiste geadverteer is en hoe die plek werklik gelyk het was 2 verskillende dinge, valse advertering. Daar word geadverteer daarso is plek vir 9 mense met 5 slaapkamers, maar daarso was in die huis in totaal net plek vir 8 mense met 4 slaapkamers uitsluitend die cottage huis. Toe ons in gecheck het, toe was die eienaar, skoonmakers en tuindienste nog steeds op die perseel tot en met 17:00 wat incheck baie ongemaklik vir ons gaste gemaak het. Die tafel buite by die swembad se een poot was afgebreek toe ons arriveer en al wat omtrent dit gedoen was is dat iemand 'n groot boomstomp in die plek van die poot gesit het. Die tafel het heel naweek rondbeweeg en dit was baie onveilig. Die kombuis was vieslik vuil, die vurke in die laai het nog ou kos tussen hulle gehad die stoof was vuil en smetterig, die oond se laaie was vuil en nog vol kos. Die microwave se bord het 'n vet, wit laag ou kos of melk op gehad en die deur was smetterig vol kos gespat, dit het ons verhoed om enige kos te verhit die naweek. Die oond was gebreek so ons kon nie kosmaak soos ons wou nie, die inligting was ook eers gekommunikeer aan ons toe ons arriveer. Die cottage se lakens het voëlmus op gehad, wat onaanvaarbaar is met geen ekstra lakens in die kaste nie. Die beddens was vol stof toe ons arriveer, wat aandui dit was nie gewas nie buiten die hoofslaapkamer se beddegoed wat splinternuut was. Een kamer het nie bedkassies gehad nie, die lampies het op stoele gestaan, die cottage het nie eers bedkassies gehad langs die bed nie. Die Saterdagoggend was daarso tuinwerkers besig in die tuin en hierdie was nie gekommunikeer met ons nie, hierdie kwessie is ontstellend aangesien ons net 'n klomp vrouens die oggend in die huis was en twee vreemde mans was besig in die tuin wat die oggend vir ons baie ongemaklik gemaak het. Daarso is onder fasiliteite op die webtuiste gelys dat daarso satelliet-TV is, maar geen TV het aan satelliet-TV beskik (daar was by geen TV DStv-decoders gekoppel nie en ons wou die naweek sport kyk). Daar was nie genoeg glase vir elke gas nie, geen wynglase of lang glase nie.