Pragtige blyplek. Ons het ons naweek baie geniet! Die reelings was seepglad, die verblyf gemaklik en die heerlike stoep agter was baie gesellig. Baie dankie.

Skoon, netjiese verblyf in 'n rustige buurt. Ons is baie tevrede en het lekker gebly.

Ons het die plaas-atmosfeer van die huis geniet! Dit is 'n ou wêreldse huisie met 'n enorme agtertuin. Dit is alles behalwe luuks, maar ons het gehou van die plaas-atmosfeer wat die huis uitstraal. Die huis word goed versorg, is netjies en aan geriewe ontbreek dit nie. Dit is ook in 'n rustige omgewing geleë, maar tog ook naby aan die besighede en besienswaardighede. Die WiFi is net nie baie effektief nie. Dit het ons nie gehinder nie, maar TV-verslaafdes sal vir seker verwag dat daar 'n TV moet wees.

Awesome! Pragtig! Baie dankie, ons het heerlik gebly. Ons het dit regtig geniet.

Pragtig. Pragtige plek, baie gemaklik, spasie en privaatheid. Kan maklik lank hier bly. Ten volle uitgerus met alles wat jy benodig.

Dit was die regte keuse vir 'n plek om in Graaff Reinett te oornag. Annatjie was uiters behulpsaam, ten spyte van die feit dat sy nie in persoon daar was nie. Om van 'n eietydse na 'n eertydse omgewing in te stap was 'n belewenis gewees. So baie om te besigtig en waar te neem. Beslis 'n plek om te oornag.

Ons het ons tyd in Graaff-Reinet en Historic Old-fashioned Cottage baie geniet - die huis was vol karakter en baie mooi. Met ons eerste aand daar was daar ongelukkig geen water in die huis nie - ek verstaan dat daar nie water in die dorp is tydens beurtkrag nie, maar nadat die krag weer aangekom het was daar nogsteeds nie water nie. Dit het wel die volgende dag weer gewerk. Ek sal voorstel dat die huis bietjie opgegradeer word om dit meer "loadshedding proof" te maak soos meeste van die ander gastehuise in Graaff-Reinet. Die handdoeke het nie regtig skoon/vars geruik nie, ons het gelukkig ons eie handdoeke ingepak en kon dit gebruik. Dit is waarlik my enigste klagtes - ons het verder die huis baie geniet.