Hlosi Game Lodge - Amakhala Game Reserve

Wildsplaas

Soos Gesien op Facebook
Kapasiteit: 34 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Karel Landman 314, Amakhala Wildreservaat, Alexandria, 6000, Oos-Kaap
Vanaf R14 200 per nag (plek vir 2)
TGCSA-gradering:

Beskrywing

Hlosi Game Lodge is in die Amakhala Reservaat in die Oos-Kaap. Dié reservaat is 7500 hektaar groot. Dit is op die soom van 'n heuwel bo die Boesmansriviervlakte geleë. Hierdie luukse wild-lodge is 'n stil toevlugsoord in die grasvlaktes wat 'n ryk en intieme Afrika-safari ervaring bied.

Hlosi herdefinieer eksklusiwiteit met 4 luukse suites, 2 gesinsuites en 8 luukse tente. Die luukse safaritente bied 'n unieke tent-ervaring midde-in die Afrika-bos sonder om luuksheid in te boet.

Die hoof-lodge bestaan uit 'n ingang-rondawel wat lei na 'n ruim eetkamer waar jy 'n privaat- of groep-ete kan geniet. Daarna volg 'n groot sitkamer en biblioteek wat dan weer lei na 'n kroeg. Die sentrale lodge word aan alle kante omring deur skaduryke stoepe vanwaar gaste 'n verskeidenheid uitsigte oor die rustige landskap kan geniet. 'n Swembad en swembad-dek is ook beskikbaar. Die boma is 'n aparte area langsaan die hoof-lodge en daar word bosbraaie en spesiale feestelike geleenthede vir gaste se vermaak gehou. Vir jonger gaste is daar 'n privaat sitkamer met 'n TV, DVD-speler, speletjies en boeke.

Hlosi kan eksklusief verhuur word as 'n privaat venue vir klein spanbou-geleenthede of troues. Die lodge bied ook 'n klein konferensie-venue vir Oos-Kaapse besighede. Die gesinsafari-aanbod bied 'n program met 'n rits aktiwiteite onder toesig.

Hlosi is ideaal geleë naby Gqeberha (Port Elizabeth) in die Oos-Kaap en bied 'n Groot 5-ervaring (leeu, olifant, buffel, renoster en luiperd) in 'n malaria-vrye privaat wildreservaat sodat die hele gesin Afrika op sy beste kan beleef.

Kry ’n Kwotasie