Beskrywing

HoneyBee Cottage bied gerieflike verblyf in 'n selfsorgeenheid, wat op die eienaar se perseel in 'n rustige area in Randburg geleë is.

Dié kothuis bied slaapplek aan 2 gaste en beskik oor 'n oopplan-uitleg met 'n slaaparea, eetarea en 'n leefarea met 'n kombuisie. Die kothuis het 'n gemaklike dubbelbed en 'n en suite-badkamer met 'n stort.

Die kombuisie is met 'n yskas-vrieskas, stoof, oond, broodrooster, koffie- en teemaakgeriewe toegerus. Die leefarea het gemaklike rusbanke en 'n TV. Die kothuis het WiFi, asook 'n gasstofie en 'n battery vir ligte wat tydens beurtkrag gebruik kan word. Gaste kan ook die swembad en braaigeriewe benut. Veilige parkeerplek is op die perseel beskikbaar.

Hierdie kothuis is naby plaaslike besienswaardighede, insluitende die Randpark Gholfbaan, rotsklim, restaurante en winkels.