Hugh Dent 35

Selfsorg

Kapasiteit: 12 persone
Alle ouderdomme is welkom
Inkloktyd: 14:00 tot 23:00
Uitkloktyd: 10:00
Adres: Hugh Dent-rylaan 35, Salt Rock, 4420, KwaZulu-Natal
Vanaf R6 710 per nag (plek vir 12)

Beskrywing

Hugh Dent 35 is 'n pragtige vakansievilla in die hartjie van Ballito. Die villa is ideaal vir 'n vakansie by die see saam met familie en vriende, want dit spog met 'n klomp kuierareas en 'n swembad op die perseel.

Die villa bied slaapplek aan 8 volwassenes en 4 kinders en beskik oor 5 slaapkamers met lugversorging en 5 en suite-badkamers. Die hoofslaapkamer het 'n koninggrootte-bed, direkte toegang tot die voorste balkon en 'n en suite-badkamer met 'n bad, stort, wasbak en 'n toilet. Die tweede en derde slaapkamer het koninggrootte-beddens, die vierde slaapkamer het 'n koningingrootte-bed en die vyfde slaapkamer het 'n dubbelbed en 2 stapelbeddens vir kinders. Die ander 4 badkamers het elk 'n stort, wasbak en 'n toilet.

Die ruim leefarea beskik oor 'n stylvolle kombuis wat met 'n gasstoof, elektriese oond, mikrogolfoond, yskas-vrieskas, eetgerei, breekware en tee- en koffiemaakgeriewe toegerus is. 'n Skottelgoedwasser, wasmasjien en 'n tuimeldroër is ook in die opwaskamer beskikbaar. Die kombuis lei na 'n etenstafel met genoeg sitplek en 'n ruim sitarea met gemaklike sitplek en 'n TV met DStv. Gratis WiFi is beskikbaar.

Die villa het ook 'n kuierarea met 'n tweede TV-sitarea en 'n kroeg met stoele, en 'n gasbraai met 'n uitsuigwaaier. Dit lei na 'n onderdakstoep met 'n etenstafel en 'n tafeltennistafel. Daar is ook 'n houtdek met gemaklike sitplek en 'n ingeboude braai. Die villa se boonste verdieping lei na 'n balkon met nog 'n etenstafel, sithoekie en 'n uitsig oor die swembad en sonstoele.

Daar is 'n enkeltoesluitmotorhuis en oop gasteparkeerplek.

Kry ’n Kwotasie