Ileven Heaven

Selfsorg

Kapasiteit: 10 persone
Alle ouderdomme is welkom
Inkloktyd: 13:00 tot 19:00
Uitkloktyd: 12:00
Adres: Boulevard D' Afrique, Broederstroom, Hartebeestpoort, 0240, Noordwes
Vanaf R4 800 per nag, vir 10 mense

Beskrywing

Ileven Heaven is 'n selfsorgvakansiehuis op 'n sekuriteitslandgoed in Broederstroom, Hartbeespoortdam langs die Krokodilrivier. Die huis spog met 'n uitsig oor die rivier wat na Hartbeespoortdam en die Witwatersrandbergreeks vloei.

Die huis beskik oor 4 slaapkamers met koningingrootte-beddens en een met 'n ekstra driekwartbed. Sommige slaapkamers het privaat balkonne, TV's en Blu-Ray DVD-spelers. Die eerste badkamer het 'n stort, die tweede badkamer het 'n bad en daar is 'n aparte gastetoilet.

Op die grondverdieping is daar 'n oopplan-kombuis, kroeg, sitarea en stoep. Die kombuis is met 'n yskas, moderne stoof, oond, mikrogolfoond, broodrooster, ketel, koffiemasjien, dompelkoffiepot, breekware en eetgerei toegerus.

Die kroeg is met 2 yskassies toegerus en lei na die sitarea waar daar 'n sitkamerstel met sitplek vir 6, 'n slaapbank, platskerm-TV en lugversorging is.

Die toegeboude stoep spog met 'n gasbraai, veerpyltjiebord en 'n pragtige uitsig oor die landgoed.

Gaste het nie toegang tot enige van die gemeenskaplike areas, insluitend die swembad en vermaakarea, nie.

Hartbeespoort is 'n paradys vir watersportliefhebbers, stappers en fietsryers, asook natuur- en voëlliefhebbers. Aktiwiteite sluit abseil, riviervlotvaar, perdry, visvang, gholfspeel en inkopies by die oulike winkeltjies in. Daar is ook 'n verskeidenheid restaurante en kroeë in die omgewing.

Kry ’n Kwotasie