Jacobs Bay Backpackers

Rugsakreisigerslosies

Kapasiteit: 65 persone
Alle ouderdomme is welkom
Inkloktyd: 14:00 tot 20:00
Uitkloktyd: 11:00
Adres: Erf 307, Jacobsbaai, 7380, Wes-Kaap
Vanaf R300 per nag, vir 2 mense

Beskrywing

Jacobs Bay Backpackers bied basiese verblyf in Jacobsbaai, halfpad tussen Vredenburg en Saldanhabaai. Hierdie rugsakreisigerslosies is ideaal vir verjaardagpartytjies, intieme troues, rampartytjies, spanbou-wegbreke of om sommer net te kom ontspan. Ons is naby verskeie geriewe en besienswaardighede, soos die Weskus Fossielpark, Weskus Nasionale Park, Paternoster en Langebaan.

Verblyf het slaapplek in slaapsale, A-raam-tente wat van hout gebou is, kampeerplekke, 'n kliphuis, dubbel- en 2-enkelbedkamers. Elk van die kamers het 'n dubbelbed, enkelbeddens of stapelbeddens en daar is gemeenskaplike warmwaterstorte. Gaste is natuurlik ook welkom om gebruik te maak van die gemeenskaplike kombuis wat goed toegerus is vir selfsorg.

Verder is daar braaiplekke binne en buite, 'n ommuurde lapa met 'n platskerm-TV, DStv en 'n klankstelsel. Sakelui sal in hul skik wees met die konferensiegeriewe.

Daar is ook 'n speelarea vir kinders en die kantoor kan vir julle enige plaaslike toere reël. Die winkel verkoop ys, vuurmaakhout en die geskenkewinkel en kuriowinkel verkoop feëtjies, droomvangers en kinderspeelgoed. Die vetplantkwekery verkoop ook 'n verskeidenheid kaktusse, vetplante, inheemse plante en rotskuns. Jacobs Bay Backpackers, The Pixie and Fairy Village, The West Coast Labyrinth en die vetplantkwekery is almal op dieselfde erf.

Parkeerplek is beskikbaar op die perseel. Jacobs Bay Backpackers is lekker naby die strand, winkels, restaurante op die dorp, doendinge en verskeie toere wat gereël kan word.

Kry ’n Kwotasie