Jahensu Safaris - High Tree Lodge

Selfsorg

Kapasiteit: 19 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Kafferskraalbult 202, JP Swartruggens Distrik, 2835, Noordwes
Vanaf R28 500 per nag, vir 19 mense
TGCSA-gradering:

Beskrywing

Jahensu Safaris - High Tree Lodge skuil tussen enorme apiesdoringbome wat van dié lodge 'n ware ontspanningsoord maak. Hiér kan gaste die natuur in al sy skoonheid geniet soos verskeie bokspesies met sonondergang voor die lodge saamdrom om te wei.

High Tree Lodge bied slaapplek aan 10 gaste en beskik oor 4 gastekamers, 'n oopplan-kombuis, -eetarea en -sitarea, asook 'n solderkamer waar die kinders kan speel. Die eerste slaapkamer het 'n koningingrootte-bed, die tweede kamer het 'n dubbelbed en 'n enkelbed, die derde slaapkamer het 3 enkelbeddens en die vierde slaapkamer het 2 enkelbeddens. Elke kamer is ingerig met 'n digitale kluis, haardroër, lugversorging en kaste.

Die ruim kombuis is ten volle toegerus vir selfsorg met 'n stoof, oond, ketel, mikrogolfoond, dubbeldeur-yskas-vrieskas en 'n skottelgoedwasser. Daar is 'n koelkamer vir drankies. Die eetarea het 'n groot etenstafel en stoele en die sitarea spog met gemaklike stoele en banke, 'n kaggel, 62"-TV met kringklank, 'n volledige DStv-pakket en 'n DVD-speler. Die sitarea bied ook toegang tot 'n patio met buite-eetplek en braaigeriewe.

Kry ’n Kwotasie