Baie lekker. Baie vriendelike en behulpsame gasheer.

Baie lekker. Gerieflik en rustig en regte plaasgevoel.

Beste oornag! Heerlik gebly! Lekker gerus!

Uniek en besonders. Unieke ervaring, wonderlike warm gasheer en gasvrou, ouwêreldse sjiek huis met plaasstilte en die natuur as jou metgesel. Heerlike braaipak (vooraf bespreek) met pragtige tafel gedek en bietjie 'treats' vir peusel voor die vuur. Klein 'finishing touches' was pragtig.

Onverbeterlike, vriendelike, netjiese verblyf. Die aandag aan detail om ons verblyf gemaklik te maak, was verrassend. Dankie! Die rooster was skoon, die hout en vuuraansteker gereed, die knoffelbroodjie en die dadelballetjies en die braaipak. Die vleis was heerlik! Ons oorslaap was uit die boonste rakke.

Veilige en gerieflike verblyf in die Karoo! Die kommunikasie was van die begin af baie effektief en deurentyd. Die gasvrou was op haar plek by die akkommodasie toe ons inklok. Die bottel water en waatlemoenslaai in die yskas was 'n groot bonus. Kamers is "rustic" maar interessant versier wat dit 'n moderne gevoel gee. Lekker gebraai onder die Karoo sterre met hout wat hulle verskaf het. Indien jy van groot vuur hou, bring nog hout saam. Die gasheer en vrou was onmiddellik beskikbaar toe ons 'n probleem die oggend met water gehad het (wat ons eie skuld was!) en dit is baie vinnig opgelos. Een tip: sit 'n bordjie "moenie uittrek of afskakel nie" bo die waterpomp se kragprop in die leefarea. Dit was 'n ongelooflike en onvergeetlike aand in die Karoo. Vars lug, baie sterre, houtvuur, Karoo skaaptjoppies en koue bier. Wat wil mens nou meer hê!

Veilig, rustig en netjies skoon. Puik puik puik. Baie netjies en rustig. Ons gasvrou en haar man het ons so vriendelik ontvang en sommer tuis laat voel. Sal dit enige tyd vir iemand aanbeveel. Sal vir seker weer daar oorbly. Ons het gereël vir braaipakkies vir die aand. Vleis was heerlik sag en smaaklik.

Fenominale gasvryheid! Mens voel sommer welkom. Baie dankie mnr en mev Fourie. Het baie lekker oorgebly. Perfekte plek om van die snelweg af te klim en liggaam en siel te laat rus. Die gastehuis het 2 hoofslaapkamers wat toegerus is met 'n bed. Nog 'n kamer huisves 2 enkelbeddens en elke kamer is toegerus met 'n waaier. Die badkamer is ook goed toegerus met 'n stort, wasbak en toilet.

Dankie vir al julle reelings, lekker gerus na die lang pad! Uitstekend! Karoo gasvryheid op sy beste!

Fantasties en ons definitiewe oorslaapplek op ons roete Kaap toe. Uitstekend oorgebly, alles was skoon en netjies met ekstra bederfies vir ons. Die kunstige uiteensetting van die huis het ons in bewondering gehad.