Jolly Mooi's Beach Break

Selfsorg

Langtermynverblyf-aanbod 10% af

Kry 10% af vir verblyf wat 12 nagte of langer is. Hierdie aanbod is altyd geldig.

Kapasiteit: 6 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: George Brown-rylaan 431, Morganbaai, 5292, Oos-Kaap
Vanaf ~~R1 800~~ R1 620 per nag, vir 6 mense

Beskrywing

Jolly Mooi's Beach Break bied gerieflike selfsorgverblyf in die hartjie van Morganbaai. Dit is 'n wonderlike opsie vir 'n gesinswegbreek aangesien hierdie verblyf net 200 m vanaf die strand is.

Dié verblyf bied gerieflike slaapplek aan 6 volwassenes en 2 kinders en beskik oor 4 slaapkamers en 2 badkamers. Die hoofslaapkamer het 'n koninggrootte-bed en 'n en suite-badkamer met 'n stort. Die hoofslaapkamer het ook 'n sonkamer met 'n pragtige uitsig oor die tuin en dam. Die tweede slaapkamer het 'n koningingrootte-bed en die derde slaapkamer het 'n dubbelbed. Daar is 'n stapelbed vir kinders in die vierde slaapkamer. Die derde en vierde slaapkamers grens aan mekaar, maar daar is 'n sluitbare skuifdeur tussen die 2 kamers. Gaste in 3 van die slaapkamers deel die tweede badkamer met 'n bad.

Die oopplan-leefarea beskik oor 'n kombuis wat met 'n stoof, oond, mikrogolf, yskas-vrieskas, eetgerei, breekware en koffie- en teemaakgeriewe toegerus is. Die kombuis lei na 'n sitarea met gemaklike sitplek en 'n TV. Gratis WiFi en Netflix is beskikbaar.Hierdie area het ook 'n etenstafel.

Skuifdeure lei na 'n toegeboude houtdek met 'n buite-etenstafel, rusbanke, dagbed en 'n gasbraai. Vanaf die dek is daar 'n wonderlike uitsig oor die dam en 'n klein see-uitsig vanaf die kant van die dek.

Daar is 'n paadjie na die dam onder die verblyf waar jy 'n bankie sal vind om die dam-uitsig en voëllewe te geniet.

Vir diegene wat van die strand af terugkeer, is 'n buitestort beskikbaar om af te spoel.

Die verlyf het 'n klein omsetter wat krag aan die ligte, WiFi en TV voorsien. Die verlyf het ook JoJo-tenks vir water.

Kry ’n Kwotasie