Goeie middag Jenny Baie dankie vir jou positiewe terug voering. Ons is bly as ons gaste die rustigheid geniet saam die natuur. Ons sien uit na jul volgende besoek. Vriendelike Groete Helene

Goeie middag Daniel Baie dankie vir jul terug voering, dis 'n plesier om te hoor hoe ons gaste ons dienste en die stilte van die mooie natuur kan bewonder. Vriendelike Groete Kalahari water Helene

Goeie middag Collin Die swembad is daar vir almal se geriewe. Al die ander gaste het heerlik kom afkoel in die swembad. Julle kinders het ook kom swem onder die ouer sussie se toesig. 1. Die swembad is nie by my huis nie, maar agter die hoof gastehuis soos ek aan julle verduidelik het. By die Damhutte waar julle bespreek het, het ek julle ingelig dat daar ook 'n blou swembad by die speelparkie opgerig is vir julle gerief en waar julle 'n oog oor die kinders kan hou waar julle sit en kuier. 2. Julle was meer bedag by die familie in Keimoes en 'n paar keer het familie by julle kom kuier. 3. My kinders was net vir Kersdag by my gewees en hulle het nie eers geswem nie. Vriendelike groete.

Goeie middag Danie Baie dankie vir jou terugvoering. Jammer dat ek nie by ontvangs was met jou aankoms nie. Ek en ou Willie was besig op die gastehuisperseel met die waterprobleem wat ek na jou genoem het. En het dadelik met jou oproep kantoor toe gegaan. Die waterprobleem was buite ons beheer en het gepoog om dit reg te stel, ek het jou met aankoms verwittig dat daar tans 'n probleem was en ons aandag daaraan gee. Weer eens baie jammer ons glo dat julle ons weer sal besoek. Geniet die hitte van die Kalahari Vriendelike groete Helene

Goeie môre Carol-Ann, Baie dankie vir jou terugvoering, ons is opreg jammer oor jul ervaring by ons en probeer om daarop te verbeter. Ons sal aandag gee aan jul terugvoering. Jul is met flinkheid en vriendelike diens ontvang, en met elke navraag onmiddellik en vriendelik aandag aan gegee. As ek nie vol bespreek was nie, sou ek jul met liefde geskuif het, al het jul nie die eenheid bespreek nie. Die afdeling waar u bespreek het is by die Damhutte selfsorg eenhede insluitend Kolgans (die karavaan), wat 'n rustige eenheid is, meer privaat van die ander plekke. Die eenheid was netjies en skoon gewees, ek het nog 'n ekstra waaier vir jul gebring vir die hitte wat ons ervaar het. Die miere is ongelukkig deel van die natuur, en ek het dadelik vir iemand gekontak en weer muurgif rondom en in jul plek laat spuit. In al ons eenhede, die (Old Farmhouse wat 3 ster is) en die Damhutte waar jul bespreek het, het ons 2 plaat stofies in sonder 'n oond. Nog nooit het gaste daaroor gekla nie. Kolgans se stofie is met 'n doel gelig, omrede die plate op dieselfde hoogte as die venster is. Ek vertrou dat jul die uiteensetting van die 2 verskillende selfsorg eenhede, nl Damhutte en Old Farmhouse wat 3 ster is, verstaan. Sou jul weer by ons wou bespreek, bespreek asb by die Old Farmhouse wat 3 ster is. Vriendelike groete

Baie dankie Elize, vir jou goeie terugvoering. Hul het 'n wegbreek naweek gehad en ons is bly dat jul by ons kon kom rus en ons rustigheid natuur kon ervaar. Kom kuier gou weer.