Kaoko Bush Lodge

Lodge

Kapasiteit: 27 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Vaalberg Erf 190, Kamanjab, 0000, Kunene
Vanaf R1 540 per nag (plek vir 2)

Beskrywing

Kaoko Bush Lodge is die ideale oornagverblyf om Darmaraland en Kaokoland te verken. Dié lodge is net 8 km vanaf Kamanjab, op pad na Opuwo. Kaoko Bush Lodge verseker gerieflike verblyf aan gaste wat 'n dag of 2 bly om die unieke rotskuns en kulturele dorpies van Kamanjab te verken en aan gaste wat beplan om verder noord te reis.

Verblyf word in gesellige privaat chalets en gerieflike kampeergeriewe gebied.

Die grasdak-chalets is onlangs opgeknap en is met Namkleistene, bekend vir sy unieke kleur, gebou. Elke chalet is ver genoeg uit mekaar en het elk 'n privaat stoep waar gaste kan lees en in vrede kan ontspan. Die meeste van die 8 chalets het 2 gemaklike enkelbeddens en die 2 gesinseenhede het slaapplek vir 3 en 5 gaste. Daar is oorgenoeg veilige parkeerplek voor elke chalet.

Die kampeerterrein is onder bome en elke kampeerplek het sy eie geriewe. Die donkie word elke aand aangesteek om te verseker dat gaste oorgenoeg warm water het om mee te stort.

'n Daaglikse buffet-ontbyt kan by die restaurant op die perseel geëet word en middag- en aandete is op versoek beskikbaar.

Die lodge is in 'n wildpark geleë en bied meer as 18 verskillende inheemse wildspesies en 200 inheemse voëlspesies. Gaste kan dié wild en voëls vanaf die watergat, wat net 30 m vanaf die restaurant is, besigtig. Die lodge het ook 'n swembad en die omvattende sonkragstelsel maak die lodge ideaal as jy van die stad se tegnologiese steurnisse wil wegkom. Die lodge gebruik ook onbesmette boorgatwater.

Kry ’n Kwotasie