Baie aangename verblyf in 'n wonderlik gerestoureerde huis. Baie aangename verblyf in 'n wonderlik gerestoureerde huis. Al is die verblyf naby die einaars se huis, is dit baie privaat. Mooi groen tuin en 'n heerlike klein swembad.

Wonderlike rustige atmosfeer waar ons kon ontspan en nader aan die natuur en aan mekaar kom. Kapteinskloof gastehuis het 'n groot privaat tuin met 'n ryk voellewe en ek sal beslis 'n verkyker en voëlgids saamneem volgende keer. Die 'wood fired hot tub' is 'n moet! Die gastehuis het alles in wat 'n mens nodig het en Melanie is 'n baie vriendelike en hulpvaardige gasvrou. Sal vir seker weer die vrede en rustigheid daar wil gaan ervaar.

'n Wonderlike wegbreek na die platteland van Italië. Naby aan stad en ander Boland streke, maar vêr genoeg, so uitstekend vir 'n naweek wegbreek. As jy moeg gewerk is dan is dit 'n heerlike plek om op te van met slaap, swem, lees, kosmaak ens. Heerlike geswem en die hot tub geniet. Nuwe disse uitprobeer. Baie gestap en die tieners het gaan perdry.

Absoluut heerlik. Wat 'n aangename verrassing. Lieflike outentieke ou huis, pragtig en smaakvol ingerig. Alles wat mens moontlik sou benodig. Vriendelike gasvrou. Veilige omgewing. Pragtig rustig en stil en geleë in 'n lieflike tuin. Ek sal beslis weer teruggaan.

Heerlik rustig, pragtige omgewing, vriendelik, tegemoetkomende gasheer en vrou, was baie spesiaal. Sal dit sterk aanbeveel vir stilte, voëlkyk, natuur geniet, stap- en fietsry-entoesiaste. Baie goeie waarde vir geld, baie gawe gasheer en -vrou!

'n Voorreg om in so 'n mooi, gerestoureerde huisie iets van vervloë dae te ervaar, en dit in so 'n pragtige omgewing. Kapteinskloof Guesthouse is geleë in 'n pragtige en waterryke kloof naby Piketberg. Dit was 'n voorreg om in die pragtig gerestoureerde kothuis te kon tuisgaan en ons sal graag weer wil gaan. Jare gelede het ek 'n artikel oor Kapteinskloof en sy vorige eienaars, die Fouries, gelees en was my verrassing groot toe ek plek bespreek en agterkom dat die kothuis waarin ons akkommodasie gekry het, 'n restourasieprojek van die Fouries was. Kapteinskloof is 'n gemaklike afstand vanaf Kaapstad en Melanie en haar span het ons hartlik verwelkom. Die plasie is omring deur bloubessie- en sitrusboorde en ons was diep onder die indruk van die rustige en mooi natuurskoon. Ons ken nie die area nie, en dit was heerlik om van die geheime van die Sandveld te ontdek. Vroegoggend het ons eers gaan kyk hoe Piketberg lyk en ek het selfs 'n paar "gum boots" daar gekoop vir my eie tuinwerke. Daarna het ons tot in Velddrif gery vir 'n heerlike middagete op die "lagune", en met 'n draai deur Laaiplek is ons terug Kapteinskloof toe vir ons eie braaitjie vroegaand. Alhoewel die swembad in die boord, met vars fonteinwater, uiters aanloklik gelyk het, het ons dit laat oorstaan vir 'n volgende keer. Daar is ook 'n "hot tub' vir gaste wat belangstel. Hopelik kan ons 'n volgende keer van die sendingstasies soos Morawië, Wittewater en Goedverwacht besoek. Dit is goed en mooi dat sulke huisies wat voorbeelde is van ons Volksboukuns, bewaar en onderhou word.