Kathu Lodge

Gastehuis

Spesiale Aanbod 10% af

Kry 10% af. Geldig vir verblyf vanaf 1 Des 2024 tot 1 Jan 2025.

Kapasiteit: 34 persone
Alle ouderdomme is welkom
Inkloktyd: 12:00 tot 20:00
Uitkloktyd: 10:00
Adres: Rooihoutstraat 2, Kathu, 8446, Noord-Kaap
Vanaf ~~R1 350~~ R1 215 per nag, vir 2 mense
TGCSA-gradering:

Beskrywing

Kathu Lodge is sentraal geleë in 'n spogbuurt in Kathu tussen Kuruman en Upington geleë. Hierdie Noord-Kaapse gastehuis is bekend onder mynmaatskappye en -konsultante wat die ystererts- en mangaanmyne besoek. Toeriste wat graag 4x4-toere aanpak of hou van kamp sal ook baat vind by ons sentrale ligging onderweg na die Kalahari of Botswana. Ons bied ook besprekings op dieselfde dag aan reisigers op die N14, siende dat ons die ideale oornagplek tussen Gauteng en die Diamantkus/Weskus is.

Sonkrag is op die perseel geïnstalleer. Gaste kan 'n warm stort, ligte en WiFi geniet sonder enige onderbreking van beurtkrag. Daar is ook noodproppe in elke kamer, so die laai van jou skootrekenaar of selfoon sal nie meer 'n probleem wees nie.

Die verblyf word in 5 standaardkamers en 2 dubbelkamer-gesinseenhede aangebied. Gaste wat op pad is iewers heen kan ons maaltyd-pakkies of selfsorgverblyf geniet. Ons gesinseenhede het toegeruste kombuise en is perfek vir groot gesinne. Alle gaste het luukse en suite-badkamers, lugversorging, DStv, braaigeriewe en toegang tot die swembadarea. Die lodge het wasgoedgeriewe en parkeerplek,met 'n hoogtebeperking van 2,2 m, op die perseel.

Bekende besienswaardighede in die area sluit die Kalahari Gholfklub met 'n gimnasium en verhitte swembad, die Wonderwerkgrot, Tswalo Wildreservaat, Molopo Natuurreservaat, die Kgalagadi Oorgrenspark en die Witsand Brullende Duine in.

Kry ’n Kwotasie