Kathuhari Guesthouse

Gastehuis

Kapasiteit: 14 persone
Alle ouderdomme is welkom
Inkloktyd: 16:00 tot 21:00
Uitkloktyd: 10:00
Adres: Setperkstraat 6, Kalahari Gholf- en Jaglandgoed, Kathu, 8446, Noord-Kaap
Vanaf R2 550 per nag, vir 2 mense
TGCSA-gradering:

Beskrywing

Kathuhari Guesthouse is 'n luukse gastehuis in die hartjie van die beskermde Kameeldoringwoud in die Kalahari Golf and Hunting Estate. Die gastehuis skuil tussen die bekende kameeldoringbome en die Sishen Gholfbaan en bied luisterryke uitsigte en 'n puik bestemming.

Elkeen van ons 7 luukse slaapkamers met en suite-badkamers is individueel versier, het 'n uitmuntende uitsig en beloof onvergeetlike verblyf. Verder het elke slaapkamer sy eie, privaat stoep waarop jy kan sit en jouself verlustig in die pragtige sonsondergange of kan teug aan 'n skemerkelkie terwyl jy kyk hoe die gholfspelers hulself geniet. Ander geriewe: wit perkallinne, yskas, eerlikheidskroeg, lugversorging, kluis, puik matrasse en 'n platskerm-TV. Die Presidensiële Suite met sy privaat swembadjie en luisterryke uitsigte oor die landgoed is absoluut magies.

Ontbyt word bedien in 'n elegante, ruim eetkamer, maar kan ook, op versoek, bedien word in die Kameeldoringboma. Laasgenoemde is ook ideaal vir sterrekyk.

Die eiendom is naby die Sishen Gholfbaan se klubhuis met sy restaurant, kroeg, konferensiegeriewe en tegnologies gevorderde gimnasium met 'n verhitte swembad, tennisbaan en muurbalbaan.

Kry ’n Kwotasie