Klaarfontein Guest Farm

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 18:00
Uitkloktyd: 11:00
Adres: Plaas Klaarfontein, Harrismith, 9880, Vrystaat
Vanaf R1 000 per nag, vir 2 mense

Beskrywing

Klaarfontein Guest Farm bied gerieflike selfsorgverblyf op 'n plaas, net 5 km vanaf die N3 naby aan Swinburne en ook naby aan Van Reenenspas by Harrismith.

Ons selfsorg-eenhede bestaan uit 'n eenheid vir 9 gaste wat beskik oor 3 slaapkamers, asook 'n eenheid vir 5 gaste met 2 slaapkamers. Albei van die eenhede het 'n toegeruste kombuis, 2 gerieflike sitkamers met knus kaggels en ondervloerverhitting. Die kombuis is toegerus met 'n yskas-vrieskas, mikrogolfoond, elektriese oond, eetgerei en breekware.

Braaipakke is op versoek beskikbaar. Al die nodige beddegoed word voorsien, maar gaste moet asseblief hul eie handdoeke saambring. Daar is oorgenoeg parkeerplek beskikbaar .

Op Klaarfontein kan jy en jou gesin die plaas te perd, op jou eie bergfiets, 4x4 of vierwielmotorfiets gaan verken. Die Wilgerivier loop deur die plaas en gaste kan kilometers ver roei of die Sterkfonteindam besoek. Laasgenoemde is sowat 50 kilometer van Klaarfontein af. Hier is ook heelwat plekke waar hengelaars lyn kan natmaak. Ander doendinge in die omgewing sluit perdry en bergfietsry in.

Dit sneeu gereeld hier gedurende die winter en ons raai jou aan om 'n 4x4-voertuig in hierdie toestande te gebruik.

Swinburne is sowat 5 km van Klaarfontein Guest Farm af. Besoek gerus hierdie dorpie vir basiese benodighede, brandstof en wegneemetes.

Kry ’n Kwotasie