Klaarstroom Guest House

Gastehuis

Kapasiteit: 10 persone
Alle ouderdomme is welkom
Inkloktyd: 14:00 tot 22:00
Uitkloktyd: 12:00
Adres: Hoofstraat 1, Klaarstroom, 6932, Wes-Kaap
Vanaf R1 100 per nag, vir 2 mense

Beskrywing

Neem 'n tree terug na vervloë dae en beleef ouwêreldse Karoo-gasvryheid by hierdie gerestoureerde Victorianse opstal. Ons is geleë by die Noordelike ingang na Meiringspoort en het pragtige berg-uitsigte, vars Karoo-lug en eindelose sonskyn.

Dit is die ideale plek vir besoekers wat wil ontspan, hul batterye wil herlaai en die eenvoudige plesiertjies van die lewe wil geniet.

Die huis het hoë plafonne, houtvloere en Franse deure wat lei na groot stoepe. Die dekor is eenvoudig en elegant; 'n vermenging van outentieke meubels en skoon lyne wat resoneer met die suiwerheid van die verfrissende Karoo-landskap. Al die kamers is en-suite en is toegerus met dakwaaiers en verwarmers. Daar is 2 dubbelkamers en 'n "twin" kamer in die hoofhuis. Verder is daar 2 aaneengeskakelde kamers in die omskepte waenhuis.

Ons voorsien stewige ontbyte en tuisgemaakte aandetes wat gaste herinner aan die feit dat eenvoudige kos wat keurig voorberei is een van die lewe se groot genietinge is. Baie van ons gaste verlaat ons met herleefde herinneringe aan die oorvloed en gemoedelikheid van Ouma se kombuistafel vars in hul geheues.

Klaarstroom Guest House voorsien 'n plat-op-die-aarde, outientieke Karoo-ervaring in 'n merkwaardige klein dorpie wat bestaan uit 8 huise, 'n winkel, 'n polisiestasie en 3 kerke in die ou deel van die dorp. Die Grootrivier vloei rakelings aan die onderkant van die dorp verby op pad na die magtige Meiringspoortkloof. Die dorpie skuil tussen koppies en die statige Swartberge. Hierdie spesiale plekkie met sy asemrowende landskappe en ouwêreldse rustigheid het al telkemale as die milieu vir 'n films diens gedoen. "Faan se Trein (wat in Januarie vrygestel is) is hier geskiet en ons het verblyf aan die akteurs voorsien.

Jeremy en Sharon, jou gasheer en gasvrou, is mal daaroor om hulle stukkie paradys met jou te deel in die hoop dat jy dit net so rustig en verfrissend soos hulle sal bevind.

Ons bied ideale, rustige verblyf vir reisigers wat die Klein Karoo wil verken, Oustshoorn is 60 km van Klaarstroom af in 'n Suid-Westelike rigting en Prince Albert, in die groot Karoo, is 120 km van ons af. Klaarstroom is ook ideaal geleë vir reisigers wat op pad is na die kus toe van die binneland af, of vir reisigers wat van Kaapstad af na die Oos-Kaap op pad is en kan doen met 'n blaaskans.

Kry ’n Kwotasie

Dít is wat jy hier sal kry

Tee en koffie

Gratis, veilige parkeerplek

Wasgoeddiens

Swembad

Ontbyt beskikbaar

Resensies

4.5/ 5

Gebaseer op 46 resensies

Uitstekend

Netheid

4.5

Ligging

4.5

Waarde vir geld

4.2

Diens

4.5

Veiligheid

4.6

Gaste se hoogtepunte

Anita N

Saam met lewensmaat

5.0

Rustig, stil, wonderlike mense. Klaarstroom Guest House is 'n juweel en by verre ons gunsteling verblyf in Suid Afrika. Die rustige atmosfeer, fantast...

Sien meer

Jun 2024

Lidwinia N

Saam met lewensmaat

5.0

Charming country house. Jeremy and Sharon are super attentive hosts. We were spoilt with an excellent dinner by the fireside and again ...

Word in die oorspronklike taal vertoon.

Sien meer

Jun 2023

Schalk V

Saam met lewensmaat

5.0

Baie rustig en 'n great ontbyt. 'n Baie baie lekker gastehuis om in oor te slaap.

Apr 2023

Suretha G

5.0

Stilte, rus, vrede en lafenis. Dis soos om by goeie vriende te gaan kuier en soveel mooier as op die foto's! In Jeremy se woorde: "Hierdie is nie 'n g...

Sien meer

Feb 2023

Willie S

Saam met vriende

3.8

'n Aangename verassing. Baie lekker. Vriendelike mense. Baie rustige omgewing.

Des 2023

Sien al 46 resensies