Rustig. Gemaklike blyplek en lekker gerus.

Dit was seker een van die beste huise wat ek ooit gehuur het! Die kombuis het elke liewe ding waaraan jy kan dink, en die twee yskaste, ysmasjien en skottelgoedwasser maak alle verskil. Die stoep en die uitsig oor die lagoon en die see is die beste bate! Ons wou aktief wees, maar as jy eers daar sit, kan jy nie wegkom nie! Die enigste ding wat ons gemis het, was WiFi, maar alles was piekfyn!

Gerieflike ligging en huis. Pragtige uitsig en 'n heerlike kuierhuis wat baie goed ingerig is.

Gesinsvakansie. Mooi ruim huis met baie geriewe. Eerste vloer bied 'n ideale ontspanningsvertrek met ruim oopplan sitkamer, eetvertrek, kombuis en groot "wrap-around" veranda. Ideale ligging reg oorkant die strandmeer met wonderlike uitsig oor die aangrensende park, strandmeer, see en berge. Eienaars was hulpvaardig. Ons het ons tyd hier geniet. Word sterk aanbeveel vir groot gesinne en families.

Beste akkommodasie wat ons in 'n lang tyd gekry het - omtrent al die fasiliteite wat ons kon benodig. Ons het die huis baie geniet, ons sou net voorstel dat die optel en aflaai van die sleutels se prosedure beter kommunikeer word en ook sou ons dit waardeer het om dalk instruksies te hê oor hoe om die alarm af en aan te sit. Ook was die afhaal van die sleutels by die sekuriteitsmaatskappy nie baie klante-vriendelik nie - die instruksie was dat ek by die rooi deur moes aandoen van ASK Sekuriteit maar na geen antwoord daar nie het ons later by die hek gaan lui en uiteindelik daar reggekom.