Perfek. Ons het baie lekker gebly en met 3 tieners was dit die ideale verblyfkeuse. Ons kon met 'n geruste hart ons kinders Mall toe stuur.

Gerieflik verblyf en uitstekende ligging. Ja. Paar foute moet herstel word, bv. stortkop, wasbakkraan, skuifdeur by slaapkamer.

Luuksheid en gemak! Knightsbridge 407 het ons verwagtinge oorskry! Ruim, luuks, en beslis waarde vir geld!

Dit was baie praktiese verblyf. Ons het bitter lekker gebly. Ons het net 2 klagtes: die banke in sitkamer was baie vuil en die stort se deur in die hoofslaapkamer het nie ordentlik toegemaak nie. Verder was dit baie skoon en goed ingerig.

'n Wegbreek gewaarborg. Ons het baie lekker by Knightbridge 407 gebly. Sal dit definitief aanbeveel. Al wat bietjie teleurstellend was, was dat die DStv nie gewerk het nie, maar Andrew wat ons concierge was, het regtig uit sy pad gegaan om sy bes te doen om dit vir ons te herstel, so al kon hy dit nie herstel nie, het ons werklik puik diens gekry.

Die ligging was goed en dit was stil en rustig, maar verblyf verwaarloos. Ons was ietwat verbaas dat daar in die toilet (soos jy inkom by die deur) 'n emmer en mop (albei was al goed gebruik/vuil) was. Toe ons die toilet gebruik het ons agtergekom waarom dit daar was. Die uitspoelpyp aan die toilet het kwaai gelek. So elke keer na die toilet se gebruik moes ons die "vuilwater" opmop! Dit was duidelik 'n ou probleem wat nie reggestel was nie. Die Gordyne in die en suite het 'n hele paar hakkies en skakels tekort (weg) gehad en het los/oop/af gehang. Gelukkig het ons wasgoed pennetjies gehad om dit vas aanmekaar te steek. Alhoewel daar waspoeier vir die wasmasjien was (wat ons nie gebruik het nie) was daar geen poeier vir die skottelgoedmasjien nie, was ons elke dag gebruik het (ons het ons eie gekoopte poeier gebruik). Die ouer paar wat in die en suite geslaap het was in die nag deur "iets" gebyt. Die hangkaste in die en-suite word ook as 'n pakstoor vir ou ou goed gebruik. Afgesien van die bogenoemde was die verblyf heel aangenaam.

Ruim. Nie in mekaar se pad nie. Loopafstand van Century Konferensie fasiliteite en Canal Walk Sentrum. Alhoewel net die hoofslaapkamer 'n lessenaar gehad het, was die eetkamertafel voldoende waar ons kon sit en werk in die middae na die konferensie. Die ligging is ideaal as 'n mens iets in Century City moet bywoon. Sal enige tyd weer daarvan gebruik maak.