Knysna Forest View

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Blaricum Heights 14, Platbos, Knysna, 6570, Wes-Kaap
Vanaf R3 000 per nag (plek vir 8)

Beskrywing

Knysna Forest View is ’n selfsorg-vakansiehuis op ’n landgoed in die hartjie van die bekende Knysnawoud, slegs 7 km van die middedrop af en 2,5 km van die wêreldbekende Simola Gholfbaan.

Die woonstel bied slaapplek aan tot 8 gaste en het 3 slaapkamers, 2 badkamers en ’n oopplan-kombuis en -leefarea. Die ruim hoofslaapkamer het ’n koningingrootte-bed en en suite-badkamer met ’n stort, toilet en wasbak. Die hoofslaapkamer het ook dubbeldeur wat ’n uitsig op die tuin en woud bied. Die tweede kamer het ’n koningingrootte-bed, en die derde een het ’n dubbelbed. Albei kamers bied pragtige uitsigte op die heuwel en woud. Daar is ’n aparte badkamer op die boonste vloer vir dié 2 kamers.

Daar is 2 aparte matrasse en ’n slaapbank wat dan maksimum slaapplek aan 10 gaste bied. Gaste kan die luukse Egiptiese katoenbeddegoed in die gastehuis geniet. Die kamers het haardroër en daar is ook WiFi.

Die kombuis is volledig toegerus vir selfsorg met ’n gasstoof, elektriese oond, yskas-vrieskas, mikrogolfoond, eetgerei en breekware. Die eetarea het sitplek vir 8 en die sitarea het lugversorging en ’n gemaklike sitstel, en lei na ’n balkon wat asemrowende uitsigte bied. Hier kan jy die absolute vrede en rustigheid van die woud geniet. Vir die wintersaande is daar ’n earthfire keramiekkaggel wat oorgenoeg hitte voorsien.

Daar is ook ’n vuurput buite waar gaste heerlik kan braai en ontspan. Gratis parkeeplek is op die veilige perseel beskikbaar.

Kry ’n Kwotasie