Kon-Tiki

Selfsorg

Soos Gesien op Facebook
Kapasiteit: 12 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Bokkomstraat, Elandsbaai, 8110, Wes-Kaap
Vanaf R2 200 per nag (plek vir 4)

Beskrywing

Kon-Tiki bied gerieflike verblyf in 2 privaat eenhede in Elandsbaai, 'n pragtige kusdorpie wat vir branderplankry, voëlkyk, voetslaan, bergfietsry en rotsklim bekend is.

Die huis en die kothuis is net 'n entjie se stap vanaf die strand wat vir branderplankry bekend is. By Kon-Tiki kan gaste op die hangmat ontspan of joga op die balkon oefen terwyl hulle die uitsig oor die see en op die berge bewonder.

Kon-Tiki Huis bied slaapplek aan 8 gaste en beskik oor 3 slaapkamers en 2 badkamers. Die 2 slaapkamers op die onderste verdieping het elkeen 'n koningingrootte-bed en die oopplan-slaapkamer op die boonste verdieping het 'n stapelbed en 2 enkelbeddens. Die badkamer op die boonste verdieping het 'n stort en die hoofbadkamer op die grondverdieping het 'n stort en 'n bad. Die kombuis is met 'n oond, stoof, yskas-vrieskas en tee- en koffiemaakgeriewe toegerus. Die oopplan-leefarea lei na die stoep waar daar sitplek, braaigeriewe en 'n uitsig op die berg is.

Kon-Tiki Kothuis bied slaapplek aan 4 gaste en beskik oor 2 slaapkamers en 'n badkamer. Die hoofslaapkamer het 'n koningingrootte-bed en die tweede slaapkamer het 'n stapelbed. Gaste deel 'n badkamer met 'n stort, wasbak en 'n toilet. Die kombuis is met 'n mikrogolfoond, stoof, yskas-vrieskas en tee- en koffiemaakgeriewe toegerus. Die oopplan-leefarea lei na die stoep waar daar sitplek, braaigeriewe en 'n berguitsig is

Die huis en die kothuis het elkeen 'n buitestort en rakke vir branderplanke, so dit is ideaal vir branderplankryers. WiFi en veilige parkeerplek op die perseel is ook beskikbaar. Alhoewel elke eenheid apart bespreek word en sy eie privaat ingang het, word die oprit gedeel.

Geen troeteldiere word toegelaat nie.

Kry ’n Kwotasie