Beskrywing

Koraalrus is 'n gerieflik gemeubileerde selfsorg-eenheid vir 5 mense in C-Place, Jeffreysbaai.

Die grondvloer-eenheid vorm deel van die hoofhuis waar die eienaar woon, en bestaan uit 2 slaapkamers, 2 badkamers, 'n kombuis en 'n sitarea. Die hoofslaapkamer is ingerig met 'n dubbelbed en het 'n en suite-badkamer met 'n stort.

Die tweede slaapkamer het 'n dubbelbed en 'n bababed en maak gebruik van 'n aparte badkamer met 'n stort en bad. 'n Enkelbed is beskikbaar in die leefarea vir 1 persoon. Gerieflikheidshalwe word linne en badhanddoeke voorsien, en gaste moet asseblief hul eie swemhanddoeke saambring.

Die kombuis is toegerus met 'n stoof en oond, 'n mikrogolfoond, 'n yskas, asook tee- en koffiemaakgeriewe, en etes kan by die etenstafel geniet word. 'n Wasmasjien (gebruik net vloeibare seep) en skottelgoedwasser (gebruik slegs kapsules) is ook beskikbaar.

Gaste kan ontspan in die sitkamer wat toegerus is met 'n TV met DStv. Dié area lei na 'n onderdakstoep met 'n tafel en stoele, braaigeriewe en 'n gasbraai. Die eiendom is omhein en parkeerplek is in die enkelmotorhuis beskikbaar.

Koraalrus is 2 km vanaf die hoofstrand geleë en binne 3 km se ry vanaf verskeie winkels en restaurante. Jeffreysbaai bied verskeie doendinge soos branderplankry, swem, snorkel, visvang, walviskyk, sandplankry, perdry, stap in die Kabeljous Natuurreservaat, berg- en vierwielmotorfietsry, gholfspeel. Gaste kan ook die Jeffreysbaai-branderplankry- of skulpmuseum besoek.