Korhaan House

Selfsorg

Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Korhaanweg 3, Melkbosstrand, 7437, Wes-Kaap
Vanaf R5 700 per nag (plek vir 10)

Beskrywing

Korhaan House is 'n bekoorlike huis wat in die kusdorpie Van Riebeeckstrand, Melkbosstrand geleë is en is stapafstand vanaf strande. Dit is net 35 km noord van Kaapstad en spog met 'n pragtige uitsig oor die see. Hierdie verblyf bied 'n wonderlike ontsnapping van die stad se gewoel.

Hierdie verblyf bied slaapplek aan 10 gaste en beskik oor 4 slaapkamers in die hoofhuis, asook 'n woonstel. Die ruim woonstel het 'n koninggrootte-bed en 'n en suite-badkamer met 'n stort. Dir woonstel het ook 'n sitarea met 'n TV en 'n kombuisie wat met 'n tweeplaatgasstoof, mikrogolfoond en 'n yskassie toegerus is. Die huis se eerste slaapkamer het 'n koningingrootte-bed en die tweede slaapkamer het 2 enkelbeddens. Die derde slaapkamer het ook 'n koningingrootte-bed en die vierde slaapkamer het 'n dubbelbed. Slaapkamers 3 en 4 het elk 'n en suite-badkamer met 'n stort. Die ander 2 badkamers het ook 'n stort.

Die oopplan-leefarea is op die boonste vlak van die huis en beskik oor 'n stylvolle kombuis wat met 'n stoof, oond, mikrogolfoond, yskas-vrieskas, eetgerei, breekware, skottelgoedwasser, wasmasjien en 'n tuimeldroër toegerus is. Die kombuis lei na 'n etenstafel wat verder na 'n knus sitkamer met gemaklike sitplek en 'n platskerm-TV lei. Gratis WiFi is beskikbaar.

Hierdie leefarea lei na 'n sonnige houtdek met sonstoele, 'n piekniektafel, gasbraai en 'n see-uitsig. Die grondvlak lei na 'n onderdakstoep met nog 'n piekniektafel en sonstoele. Die tuin is groot en het 'n boma met 'n sentrale vuurput. Veilige parkeerplek is op die perseel beskikbaar.

Kry ’n Kwotasie