Korsmans Delight

Selfsorg

Gratis kansellasie tot 24 uur voor jou verblyf!
Kapasiteit: 6 persone
Alle ouderdomme is welkom
Inkloktyd: 14:00 tot 21:00
Uitkloktyd: 10:00
Adres: Vincent-laan 14, Kilfenora, Benoni, 1501, Gauteng
Vanaf R3 300 per nag, vir 6 mense

Beskrywing

Korsmans Delight is 'n lieflike selfsorgvakansiehuis in die hartjie van Kilfenora, Benoni. Dit is ideaal vir 'n gesinsvakansie aangesien hierdie huis 'n wonderlike onthaalruimte en 'n uitnodigende swembad het.

Dié verblyf bied gerieflike slaapplek aan 6 gaste en beskik oor 3 slaapkamers en 2 badkamers. Die hoofslaapkamer het 'n koningingrootte-bed en uitsigte oor die tuin. Daar is ook 'n oulike gimnasiumhoekie en 'n en suite-badkamer met 'n bad, stort, wasbak, bidet en 'n toilet. Die tweede slaapkamer het ook 'n koningingrootte-bed en 'n skuifdeur wat na 'n groot tuin lei. Daar is 2 driekwartbeddens in die derde slaapkamer. Die tweede badkamer het 'n bad en 'n stort.

Die ruim leefarea beskik oor 'n kombuis wat met 'n gasstoof, elektriese oond, mikrogolfoond, yskas-vrieskas, Nespresso-masjien, eetgerei, breekware en 'n skottelgoedwasser toegerus. 'n Waskamer met 'n wasmasjien en 'n strykplank is ook beskikbaar. Daar is 'n eetarea met oorgenoeg sitplek. Die knus sitarea het gemaklike sitplek en 'n platskerm-TV. Gratis WiFi is beskikbaar.

Verder het die huis 'n lieflike onthaalarea met 'n ingeboude braai en 'n kroeg met stoele. Buite is 'n lieflike tuinarea en 'n swembad. Daar is ook 'n omsetter wat die Wi-Fi en TV tydens beurtkrag aan sal hou. Daar is ook herlaaibare ligte en flitse in die huis.

Kry ’n Kwotasie