La Ballito 303

Selfsorg

Kapasiteit: 4 persone
Alle ouderdomme is welkom
Inkloktyd: 14:00 tot 23:00
Uitkloktyd: 10:00
Adres: Jack Powell-weg 4, Ballito, 4420, KwaZulu-Natal
Vanaf R1 110 per nag (plek vir 4)

Beskrywing

La Ballito 303 is 'n selfsorg-vakansiewoonstel in die kusdorpie Ballito. Die prentjiemooi dorp is die ideale bestemming vir gaste wat op soek is na 'n ontspannende wegbreek langs die see.

Dié eenslaapkamereenheid is op die derde verdieping en het slaapplek vir 2 volwassenes met 2 kinders onder 12 jaar. Die hoofslaapkamer het 'n dubbelbed en 'n stapelbed vir 2 kinders is in 'n nis beskikbaar. Daar is 'n badkamer met 'n stort-oor-bad, toilet en wasbak.

Die oopplan-kombuis is goed toegerus met 'n yskas-vrieskas, stoof, oond, mikrogolfoond, ketel, broodrooster en wasmasjien en die sitkamer het 'n TV met Openview HD. WiFi is ook beskikbaar. Die gebou het 2 hysers en is oorkant Willard-strand en 'n winkelsentrum.

Daar is ook 'n kragopwekker wat gedurende beurtkrag inskop en die hysbak laat werk.

Daar is 'n gemeenskaplike swembad en 'n braai in die kompleks. Doendinge in die omgewing sluit in swem, verkenning van seelewe in die rotspoele, kajak, branderry, branderplankry, seevaart en sonbad.

Kry ’n Kwotasie