Beskrywing

Laatlam93 is 'n ruim en luukse dubbelverdiepinghuis op die seefront met 'n baie mooi see-uitsig. Die huis is in Franskraal en is 7,2 km vanaf Gansbaai, 5 km vanaf Kleinbaai en 50 km vanaf Hermanus. Franskraal is bekend vir Suidelike noorkappers en witdoodshaaie.

Laatlam93 is geskik vir 11 gaste en het 4 slaapkamers. Drie slaapkamers het elk 'n see-uitsig en die vierde slaapkamer is lekker sonnig en front noord. Twee van die slaapkamers het elk 'n en suite-badkamer en die ander 2 slaapkamers deel 'n badkamer.

Die kombuis is met 'n skottelgoedwasser, yskas, diepvrieskas en mikrogolf toegerus. Daar is 2 leefareas met gemaklike banke, asook 'n binnebraai en draagbare braai. Die balkon bo het 'n bank en bied sitplek vir 10 persone en 'n baie mooi see-uitsig.

Die grondverdieping het 'n speletjiesarea met 'n pooltafel wat ook as 'n tafeltennisblad gebruik kan word. DStv-kanale, wifi, beddegoed en handdoeke word voorsien.

Daar is 'n dubbelmotorhuis, ekstra parkeerplek op die perseel wat omhein is, laserstraal-sekuriteit en 24 uur-reaksie.

Aktiwiteite om na uit te sien in die area sluit fietsry, stap, visvang, rolbal, gholf, swem, haaihokduik en walviskyk in.