Lagoon Beach 136 het 'n pragtige uitsig. Lagoon Beach 136 het 'n pragtige uitsig oor die see. Dis baie netjies en die woonstel is in 'n uitstekende toestand en goed geleë. Baie veilig en ons was nie een oomblik onrustig as ons dogter onder in die lounge, wat aan die hotel se kant geleë is, gaan sit het nie. Daar's heerlike kos en ons het die kuiertjies daar net so baie geniet. Ons sal beslis weer in die toekoms daar bly en ek kan dit vir enige een aanbeveel.

Baie mooi plek, ook in 'n lekker area geleë. Plek was netjies en baie veilig. Kom dit by die deposito wat terugbetaal moet word, het hulle 'n lys van dinge wat nie meer daar is nie, goed soos draadhangers en 'n hout board. Wat van jou deposito afgetrek word. Die spierwit handdoeke moet jy net so terug lyk my oorhandig, indien daar 'n merk op is trek hulle daar ook geld af. Laat weet die gaste eerder om eie handdoeke te vat. Andersins is dit 'n baie mooi plek en sal gerus dit aanbeveel.

Alles lekker, maar die inklok proses bederf die hele ervaring. Dit is makliker om op parool vrygelaat te word as om by hierdie perseel in te klok! Eerstens is die hele inklok proses bederf omdat ons eers van bakboord na stuurboord gestuur was. Eindelik toe ons verneem die agent is reeds by die eenheid, moes ons eers 'n "app" aflaai op ons foon. Dit was nie opsioneel nie, ons moes. Ons het sedert die aflaai nie een keer na die "app" gekyk nie, maar ons moes dit aflaai. Dan word daar fotos geneem van alles in die eenheid, insluitend ons ID dokumente ens. Asof ons skelms is. En laaste maar nie die minste nie moes ons 'n breakage deposit van R1000 betaal, wat moontlik binne 7 tot 14 dae aan ons terug betaal sal word.

Fantasties. Skoon, vriendelike diens, beslis die moeite werd.

Verblyf was heerlik. Die dame wat ons ingeboek het was vriendelik en het alles mooi verduidelik. Verblyf was heerlik en omgewing is rustig. Woonstel was baie netjies en skoon. Beddens en kussings was gemaklik. In woonstelblok was daar twee swembaddens, een onder en een bo by spa wat ons ongelukkig nie gebruik het nie, maar kon sien dat dit mooi instand gehou word. Portaal-area is stylvol gemeubeleer en sekuriteit was vriendelik en behulpsaam. Onderdak parkering is groot en daar is 'n sekuriteitsbeampte wat daar sit om verkeer in en uit te beheer. Al wat ek sal voorstel is dat daar is twee slaapkamers wat albei dubbelbeddens het wat die moeilik maak met twee tieners, daar kan eerder twee enkelbeddens in die een slaapkamer gesit word.

Dit was gerieflik met alles wat jy nodig het en groot genoeg vir 2 mense. Daar is niks spesiaal aan die verblyf nie, alles is daar wat jy nodig het om vir 2 weke te kan bly. Ongelukkig is daar nie daaglikse skoonmaakdienste nie (dit is opsioneel teen R300 per dag op Dinsdae, Woensdae en Donderdae). Ons verwagting was (volgens die prentjies en beskrywings) dat die swembad en strand maklik bereikbaar is en by die eenheid is, ongelukkig is dit nogal 'n ongerief om by beide uit te kom as jy gereeld tyd daar wil spandeer. Die een yskaslaai is gebreek en die strykyster moet vervang word (so ook die strykplank se lap). Geen lugreëling nie en was daar 'n paar warm dae wat dit ongerieflik gemaak het binne die woonstel, veral met die son wat heel middag tot sonsak direk daarop skyn (daar is wel 'n waaier).