Lalani B&B and Self-catering Cottages

B&B

Kapasiteit: 12 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Zeekoegat E12, Kleinkuisrivierweg, Riversdale, 6670, Wes-Kaap
Vanaf R900 per nag (plek vir 2)
TGCSA-gradering:

Beskrywing

Lalani B&B and Self-catering Cottages is op 'n kleinhoewe net buite die lieflike plattelandse dorpie Riversdal geleë en bied gerieflike verblyf in 'n rustige omgewing, omring deur groen bome en welige tuine.

Verblyf word gebied in smaakvol versierde, en suite-tweepersoonskamers en dubbelkamers met aparte en privaat ingange. Die kamers is toegerus met elektriese komberse vir daardie koue nagte, plafonwaaiers vir daardie warm somersdae, tee- en koffiemaakgeriewe, TV's met sekere DStv-kanale, yskassies en WiFi-internettoegang. Gaste kan soggens 'n heerlike ontbyt geniet, en tuisgemaakte aandetes is op versoek beskikbaar. Gaste het ook toegang tot braaigeriewe.

Nuut by Lalani is 2 selfsorgkothuise. Dié kothuise het twee slaapkamers, 'n badkamer met stort, sit- en eetarea asook 'n kombuisie. Braaigeriewe is ook beskikbaar vir die kothuise.

Jou vriendelike gashere, Jurie en Suzette, kan restaurante in die omgewing aanbeveel, en vir jou besprekings maak. Gaste word genooi om plattelandse lewe en 'n ware plaaservaring te geniet waar skape wei en die inwonende Border Collies die skape oppas. Die dorpie Riversdal is net 40 kilometer van Stilbaai af. Gaste kan staproetes teen die Slapende Skoonheidberg en besoeke aan die Korentepoortdam geniet.

Kry ’n Kwotasie