Rustig en baie mooi! Ons sal weer kom oorbly . Ons het baie lekker gebly, dankie. Die huisie is mooi en netjies en bevat alles wat 'n mens nodig het. Die stoep is baie lekker met 'n vreeslike mooi uitsig. Die binne braai is 'n groot plus, veral in die winter!

Mens kan nie anders as om te ontspan nie. Baie mooi ligging en goed toegeruste blyplek.

Mooi, skoon, alles toegerus. Regte plaas tipe omgewing in die vallei. Baie pragtig. Al die pad uit NW het ons dit geniet.

Perfek vir ons doeleindes. Ons het 'n troue bygewoon by Joubertsdal, so dit was naby genoeg om te reis. Ons hou van die natuur en diere, so dit was perfek, al het dit gereën.

Die eenvoud van die plekkie het my gedagtes laat gaan dat mens nie baie in die lewe nodig het nie en dis hoe ek van my huisie sal hou. Dit was so "amazing" om die stilte in te adem en die skoonheid van die natuur te aanskou.

Voldoende verblyf. Die plekkie is oulik ingerig met alles wat 'n mens benodig. Al wat dalk nog bygevoeg kan word, is 'n spieël vir die dames om hul hare en grimering te doen. Ongelukkig het dit baie gereën toe ons daar was, so dit het op 2 plekke in die huisie ingereën en die brug wat lei na die verblyf het verspoel. Gelukkig het die eienaars ons ingelig oor 'n alternatiewe roete. Die natuurskoon is pragtig! Dalk net iets anders om in gedagte te hou wat ons nie geweet het voor die tyd nie - ons het nogal gesukkel met sein (Telkom); daar is geen TV of WiFi nie; en dit is sowat 1 km grondpad wat lei na die wonings toe. Die gasvrou, Landi, is baie verwelkomend en het ons deurentyd op hoogte gehou van die beurtkrag skedule.

Ongelooflik, sal definitief weer besoek! Die akkommodasie het alles wat jy nodig het vir 'n rustige wegbreek. Die natuur rondom en die absolute rustigheid wat jy vanaf die stoep beleef, is besonders! Jy kan nie anders as om ontspanne daar weg te ry nie. Defintief 'n moet as jy net bietjie wil ontsnap van die stadslewe, en Swellendam meer will verken.

Baie goed ingerig, netjies. Gasvry, baie netjies en goed ingerig.