Heerlike rustige oorslaapplek op die plaas! Dit was 'n heerlike ervaring en ek beveel die platteland beslis aan. As 'n plaaskind was dit vir my hemel op aarde.

Tipiese plaashuis, vol geskiedkundige foto's and ander memorabilia. Baie interessant vir enige iemand wat in geskiedenis belangstel. Baie gawe gasvrou, veilig met sekuriteitspatrollies deur die nag. Lekker vuurmaakplek in die plaaskombuis.

'n Reis na die verlede. As jy lekker wil slaap en sommer ook voel asof jy deel is van die geskiendenis van Suid Afrika, dan is hierdie die plek vir jou. Ons is heelhartig ontvang en daar is uit die pad gegaan om ons welkom te laat voel. Ons kon selfs vinnig 'n draai in die museum maak en het ons verblyf baie geniet.

Net oornag. Die buite-area is regtig verwaarloos. Geen vuilgoeddrom nie. Plug by bed nie ingeplug nie. Kon nie bed skuif nie. Toiletsitplek het afgeval. Spinnerakke in kamer. Definitief nie geld werd nie. Dalk R250.

Uitstekend! Uitstekende diens en gasvryheid. Ek het hierdie gastehuis gekies omdat ons 27 jaar terug op Onze Rust getroud is - gasvrou, Jackie en man Colin het uit hul pad gegaan om die geleentheid en verblyf 'n aangename en blywende herinnering te maak. Colin se museum en uitstallings op die plaas is 'n belewenis en beslis 'n besoek werd, maak seker jy het genoeg tyd om hier te spandeer indien oorlog-geskiedenis jou passie is. Soos 27 jaar terug op die dag van ons troue, 'n aand en 'n oggend wat beide ek en my vrou nie sal vergeet nie. Dankie Jackie en Colin vir jul moeite en gasvryheid, ons sien mekaar spoedig weer!

Ons kom terug! Wat ‘n interessante plek met die vriendelikste gasheer en gasvrou! Colin se oorlogskennis is uitstaande. So bly ons het gekies om hier oor te slaap.

Pragtige omgewing naby N1 maar daar was geen formele "ontvangs" nie. Ons moes die staff gaan soek op die plaas. Die kamer was baie netjies en smaaklik uiteengesit maar dit was 'n dubbelbed nadat ek 2 enkelbeddens geboek het en die kamer het nie badkamer gehad nie, moes buite badkamer gebruik. Gaste moet ook kennis neem dat daar nie etes bedien word nie en moet hulleself sodanig voorberei.

Absoluut fantasties. Jackie en ou Anna het ons so gemaklik en tuis laat voel. Die huis was ruim en het ongelooflik baie geskiedenis. Ons het elke oomblik geniet en het glad nie eers TV of radio gemis nie!

Dit was 'n aangename, besondere, leersame ervaring. Ek wil net graag enkele punte uitwys wat net verwarring op die advertensie kan veroorsaak. Die kamers word geadverteer met storte.Die plaashuis met die vier kamers binne het net een badkamer met 'n bad (die stort is in die bad).Die badkamer met die stort is buite die huis. Die pragtige swembad is op die naasliggende plaas wat so 4,4 km van die gastehuis is, maar die ry soontoe is definitief die moeite werd. Dit is 'n belewenis! Buiten die is hierdie verblyf regtig die moeite werd. Die eienaars (Colin en Jackey is ongelooflike gasvrye mense en het ons verblyf 'n onvergeetlike ervaring gemaak!). Die oorlogmuseum op die plaas is 'n moet om te beleef en Colin se kennis wat hy met ons gedeel het was ongelooflik. Hierdie was 'n heerlike kuier ervaring en my kinders het dit ook geniet .