Beskrywing

Leisure Haven bied gerieflike selfsorgverblyf in 'n vyfslaapkamerhuis op 'n omheinde erf in Leisure Bay. Die huis is net 500 m se stap vanaf die swemstrand.

Die huis bied slaapplek aan 13 gaste. Die hoofslaapkamer en tweede slaapkamer het elkeen 'n koningingrootte-bed en 'n enkelbed. Die derde slaapkamer het 2 enkelbeddens, die vierde slaapkamer het 3 enkelbeddens en die vyfde slaapkamer het 'n stapelbed. Daar is 4 badkamers, 2 met baddens en 2 met storte.

Die huis het 'n oopplan-sitarea, -eetarea en -kombuis. Die kombuis is met 'n yskas, oond, stoof, mikrogolfoond, skottelgoedwasser, wasmasjien en 'n tuimeldroër toegerus. Die sitarea het 'n TV met OpenView.

Daar is 'n toesluitmotorhuis vir 1 voertuig en die tweede motorhuis het 'n pool-tafel waarvan gaste gebruik kan maak. Draagbare braaigeriewe is beskikbaar.

Linne word voorsien en gaste moet hul eie swem- en badhanddoeke saambring.