Beskrywing

Leisure Isle Apartment bied selfsorgverblyf en is op die gasheer se perseel in Leisure Isle, Knysna, geleë. Die woonstel is die ideale basis vanwaar jy die dorp se besienswaardighede en geriewe kan verken.

Dié helder en ruim woonstel het slaapplek vir 2 tot 3 gaste en bestaan uit 1 slaapkamer, 1 badkamer en 'n oopplan-kombuisie en -leefarea. Die slaapkamer is ingerig met 'n koningingrootte-bed en die badkamer is toegerus met 'n stort, wasbak en 'n toilet. Die kombuisie het 'n yskas, 'n mikrogolfoond en 'n induksiestoof.

Die sitkamer bied banke om op te ontspan en 'n enkelbed vir die derde persoon, en 'n TV vir mediavermaak. Die woonstel lei na 'n sonnige terras waar gaste hul oggendkoffie of skemerkelkies kan geniet. Gaste is welkom om ook van die gratis WiFi-internet en die braaigeriewe op die perseel gebruik te maak.

Parkeerplek van die straat af is beskikbaar vir 1 motor. Die strand, Steenbokpark en koffiewinkels is almal binne maklike stapafstand van die eiendom af.