Beskrywing

Les Palmiers No 11 is 'n lieflike selfsorgwoonstel vir tot 6 mense in Ballito en kyk uit oor die see.

Die woonstel is in 'n kompleks geleë en beskik oor 3 slaapkamers, waarvan 2 op die balkon uitloop, 2 badkamers, 'n kombuis en 'n leefarea wat na die balkon oopmaak.

Die hoofslaapkamer geniet 'n lieflike see-uitsig, is ingerig met 'n koningingrootte-bed en het 'n en suite-badkamer met 'n bad en 'n stort. Die ander 2 kamers is ingerig met 2 enkelbeddens elk, en deel die gebruik van 'n badkamer met 'n bad en 'n stort. Linne en badhanddoeke word voorsien, maar gaste moet asseblief hul eie swemhanddoeke saambring.

Die oopplan-leefarea het 'n kombuis wat toegerus is vir selfsorg met 'n mikrogolfoond, 'n stoof en oond, 'n yskas-vrieskas, asook 'n skottelgoedwasser, 'n wasmasjien en 'n tuimeldroër. Die sitkamer is toegerus met 'n TV en volledige DStv, en maak oop op 'n omvou-balkon met 'n Weber-braai en 'n fantastiese see-uitsig.

Parkeerplek is beskikbaar vir 1 motor in die motorhuis, en addisionele veilige parkeerplek is beskikbaar vir 'n tweede motor. Gaste het toegang tot die omheinde gemeenskaplike swembad, en die kompleks het direkte toegang tot die strand.

'n Wye verskeidenheid doendinge en besienswaardighede kan in die area geniet word, wat wissel van gholfspeel by een van die buiteklubs, die Gateway-winkelsentrum besoek, skubaduik en snorkel, valskermspring, of die Croc Valley Natuurreservaat en uShaka Marine World besoek.