Beskrywing

Lifestyle Guest Units is baie sentraal geleë in Musina en naby aan die N1-hoofweg wat dit gerieflik en maklik bereikbaar maak. Die eenhede is in 'n rustige area, omring deur 'n pragtige, groot tuin en elk het sy eie privaat ingang. Dit is dus ideaal vir die sakereisiger of vakansieganger.

Ons bied verblyf in 11 lieflike, ruim eenhede met dubbelbeddens, gemaklike rusbanke, kombuisies en en suite-badkamers. Elke eenheid is volledig toegerus vir selfsorg en beskik oor 'n TV met DStv, WiFi en lugversorging asook toegang tot die swembad. Daar is veilige parkeerplek en 'n sekuriteitswag gedurende die nag vir gaste se gemoedsrus.

Gaste kan ook die omliggende omgewing verken en die Baobab Tree Reserve, Musina Natuurreservaat en Maremanni Natuurreservaat besoek.