Baie stil en rustige kuierplekkie. Lekker om net te gaan en af te skakel. Die omgewing is baie mooi en die kinders het die stap in die Olifantsrivier baie geniet.

Ideale somerswegbreek! Ideaal geleë reg langs die Olifantsrivier. Natuurlewe reg rondom die eenheid, het 'n besoek van 'n paar gebande muishonde en 'n likkewaan gehad. Kort 'staproete' oor rivierrotse na 'n pragtige waterval was die top punt van ons besoek. Die weer het teen ons getel, kon nie die swembad ten volle geniet nie, maar die boma het ons lekker warm gehou.

Die sonsondergange, stilte, gasvryheid, kuier is ongelooflik. Die kuier was puik!

Vier dae van pret met vriende en ons twee honde! Heather het baie mooi na ons omgesien, ons twee honde het dit vreeslik geniet! Ons gaan beslis weer gaan kuier.

Ongelooflike uitsig, lekkerste blyplek en vriendelike diens. Dit was so 'n mooi plekkie om te bly en dit is baie goed toegerus vir 'n lekker vakansie. Die plekkie het alles gehad wat ons nodig het en die braai-area was daagliks skoongemaak (en sommer lekker vroeg). Die uitsig was asemrowend, die kamers was netjies en skoon. Heather, was so 'n wonderlike gasvrou! Ons wou nie gaan nie, en sal beslis weer wil kom.

Wat 'n aangename verrassing! Die naam kon maklik Little Heaven gewees het. Beslis iets om te ervaar. Die personeel is baie vriendelik en behulpsaam. Die plek is skoon en netjies en die kombuis het alles wat mens benodig. Ons het dit werklik baie geniet. Die pad is begaanbaar maar sou makliker wees met 'n hoë voertuig soos bv 'n bakkie. Ons kon wel met ons Opel Crossland daar uitkom. Moenie dat die pad jou afsit nie! Dit is beslis iets wat jy wil beleef!

Uitsonderlik mooi. Voorstel is om handrelings in te sit by die steil opdraande vir bejaardes. 'n Ander voorstel is om die eetgerei bietjie uit te brei met 'n whisk en so. Maar die ligging, vriendelikheid, rivier maak dit alles die moeite werd. Baie dankie, Heather, vir jou gasvryheid. Sy was dierbaar om ons te roep toe hulle 'n klein krokodil in die rivier gewaar.