Lugkasteel

Selfsorg

Gratis kansellasie tot 1 week voor jou verblyf!
Kapasiteit: 5 persone
Alle ouderdomme is welkom
Inkloktyd: 15:00 tot 21:00
Uitkloktyd: 10:00
Adres: Versfeldstraat 26, Yzerfontein, 7351, Wes-Kaap
Vanaf R2 950 per nag, vir 5 mense

Beskrywing

Lugkasteel is 'n ruim dubbelverdiepinghuis in Yzerfontein wat spog met pragtige uitsigte oor die Atlantiese Oseaan en is ideaal vir 'n rustige gesinsvakansie.

Die huis is ongeveer 250 m² groot, het 3 slaapkamers op die grondvloer en bied slaapplek aan 5 gaste. Die hoofslaapkamer het 'n koningingrootte-bed en 'n en suite-badkamer met 'n stort, toilet en 'n wasbak. Die tweede slaapkamer het 2 enkelbeddens en die derde slaapkamer het 1 enkelbed. Die tweede badkamer het 'n bad, stort, wasbak en toilet. Daar is ook 'n derde aparte gastetoilet. Op die grondverdieping is daar ook 'n ruim kombuis met 'n yskas-vrieskas, mikrogolfoond, stoof, oond, skottelgoedwasser, wasmasjien, koffie- en teemaakgeriewe, breekware en eetgerei. Die eetkamer het 'n tafel en stoele waar gaste etes saam kan geniet.

Die boonste verdieping het 'n sitkamer met gemaklike sitplekke en 'n uitsonderlike uitsig oor die see. Vanaf hierdie boonste gedeelte van die huis, kan gaste op mooiweersdae die hele oseaan vanaf Tafelberg in die suide, Dasseneiland in die weste en die Posberge in die noorde sien. Soms is mens gelukkig om ook 'n uitspattige walvis in die see voor jou te sien baljaar. Die meeste gaste geniet verder om te sien hoe die son agter die horison verdwyn - meestal met 'n pragtige rooi gloed.

Die DStv in die sitkamer bied net beperkte kanale, maar gaste is welkom om hulle eie DStv-kaart en -dekodeerder saam te bring, of met die eienaar te reël dat meer kanale beskikbaar gestel word. Ekstra koste sal ongelukkig gehef word vir die ekstra kanale, maar dit kan met die eienaar onderhandel word.

Die ingeslote binnebraai-area kan via glasskuifdeure vanaf die sitkamer bereik word, en daar is 'n opwasbak en informele tafels en stoele vir 'n gesellige atmosfeer rondom die vuur.

Die hele huis is tot die beskikking van gaste. Die eienaar woon egter baie naby en kan enige tyd gekontak word indien daar behoeftes sou ontstaan wat nie vooraf voorsien is nie.

Dit is belangrik dat gaste ons ongeveer twee uur voor die aankomstyd 'n indikasie gee ten einde reëlings vir ontvangs te vergemaklik.

Kry ’n Kwotasie

Kamer-opset

Slaapplek vir 5 mense • 3 Slaapkamers • 3 Badkamers, 1 en suite

Slaapkamer

En suite

1 x Koningingrootte-bed

Stort, Toilet

Slaapkamer

1 x Enkelbed / Driekwartbed

Slaapkamer

2 x Enkelbed / Driekwartbed

Badkamer

Stort, Bad, Toilet

Badkamer

Toilet

Resensies

4.9/ 5

Gebaseer op 67 resensies

Uitstekend

Netheid

4.9

Ligging

4.8

Waarde vir geld

4.8

Diens

5.0

Veiligheid

4.9

Gaste se hoogtepunte

Sorika C

Saam met lewensmaat

5.0

Ons het heerlik gekuier en sal vir seker weer terug wees. Ons verblyf was heerlik. Die gashere was vreeslik vriendelik en ons kon nie vir 'n lekkerder...

Sien meer

Nov 2024

Sandra L

5.0

Baie dankie. Baie netjiese, skoon en lekker huis.

Sep 2024

Maryna D

5.0

Ontspanne. Heerlik gekuier saam met familie. Gasheer en vrou was vriendelik en uiters behulpsaam. Ons het hul geselsies baie geniet aangesien dit so i...

Sien meer

Apr 2024

Renette N

Saam met lewensmaat

5.0

Heerlik gerus. Vriendelike ontvangs van eienaars. Lieflike skoon plek. Pragtige vars blomme. Alles was mooi skoon. Lugkasteel beskik oor alles wat nod...

Sien meer

Des 2023

Sorika C

Saam met lewensmaat

5.0

Dit was 'n heerlike wegbreek naweek en ons sal verseker Lugkasteel aanbeveel. Ons is hartlik ontvang by Lugkasteel. Alles was pragtig skoon en die hui...

Sien meer

Okt 2023

Sien al 67 resensies