Beskrywing

Luxury Andringa Walk Apartment 21 is in Stellenbosch en bied gehalteverblyf aan 'n paartjie of sakereisiger. Dis naby verskeie winkels, restaurante, doendinge en besienswaardighede. Dis ook 500 m vanaf Universiteit Stellenbosch en naby verskeie wynplase in die Kaapse Wynlande.

Die ateljeewoonstel het lugversorging, 'n dubbelbed en slaapplek vir 2 gaste. Die en suite-badkamer het 'n stort, toilet en 'n wasbak.

Die oopplan-kombuis is met 'n stoof, oond, yskas-vrieskas, mikrogolfoond, tee- en koffiemaakgeriewe, eetgerei en breekware toegerus. Daar is ook 'n wasmasjien vir gaste wat langer bly.

Die sitarea het 'n gemaklike rusbank en 'n TV met DStv. 'n Skuifdeur bied toegang tot 'n balkon met braaigeriewe en 'n lieflike uitsig. Gaste het ook toegang tot gratis WiFi.

Daar is 'n veilige onderdakparkeerplek vir 1 voertuig op die perseel.