Beskrywing

Hogs Guesthouse is 'n grasdak-gastehuis wat uit verskeie eenhede bestaan op 'n 3 ha-perseel in die hartjie van die Dinokeng Wildreservaat. Die gastehuis is 53,5 km vanaf Pretoria en 118 km vanaf Johannesburg geleë.

Luxury Tent 2 @ Hogs Guesthouse is in 'n klein omheinde area in die bos geleë waar dit van die lodge afgesonder is. Die tent het lugversorging, bied slaapplek aan 2 gaste en het 'n koningingrootte-bed. Die en suite-badkamer het 'n stort, wasbak en 'n toilet. Linne en handdoeke word voorsien.

Die kombuisie is met 'n yskas-vrieskas, stoof, oond, mikrogolf, basiese eetgerei, breekware en tee- en koffiemaakgeriewe toegerus. Daar is ook 'n etenstafel met stoele, 'n TV en gratis WiFi.

Die tent lei na 'n groot stoep met 'n plonspoel en braaigeriewe.

Gaste het ook toegang tot die grasperke, gemeenskaplike swembad en braai-areas. Wildritte en selfry-wildritte, asook ander aktiwiteite, kan maklik gereël word en daar is restaurante en kroeë in die omgewing.